Luke 6:12 - Indian Standard Version (ISV) Nagamese

¹² Aru eneka hoise dusra dinte Tai ulaikene tilla uporte prathana kori bole jaise, aru Tai pura rati Isor logote prathana kori thakise.

Luke 6:12 Iomraidhean Croise

Matthew 5:1

Bhir bisi dangor hoija pora, Jisu to ekta tilla uporte uthijaise. Tai ta te boha pichete, tai laga chela khan bhi Tai usorte ahise.

Matthew 6:6

Kintu, jitia tumikhan prathana kore, ghor bhitor dorja bondh koribi aru lukai kene tumi laga Baba ke prathana koribi. Titia tumi laga Baba jun tumike sai ase, Tai tumike inam dibo.

Mark 1:35

Aru phojur nohua age te Tai joldi uthise, aru Tai ekla kun bhi nathaka jagate jai kene ta te prathana kori thakise.

Mark 3:13

Aru Tai pahar uporte jaise, aru jun manu ke Tai lage, eitu khan ke Tai usorte matise, aru taikhan Tai logote ahise.

Mark 6:46

Aru Tai prathana kori bole pahar te jai jaise.

Luke 5:16

Kintu Tai manu nathaka jagate jai kene prathana kori thakise.

Luke 6:11

Kintu cholawta khan khong pora bhorta hoise aru Jisu ke kineka phasabo etu kotha korise.

Luke 6:17

Jitia Tai tilla pora namikene taikhan logote ahise, aru bisi dangor bhir manu joma hoi thakise. Aru Judea desh, Jerusalem sheher, aru samundar kinar Tyre aru Sidon sheher khan pora ahise bhi bisi manu ahise.

Luke 9:18

Aru ek din eneka hoise jitia Jisu Tai ekla pora prathana kori thakise, aru chela khan bhi Tai logote thakise, aru Tai taikhan ke hudise, “Manu khan pora Moi kun ase koi?”

Luke 9:28

Etu kotha khan kowa ath din pichete, Tai tilla uporte prathana kori bole jaise, Peter, John aru James khan ke loi kene.

Luke 9:29

Jitia Tai prathana kori thakise, Tai laga chehera bodli hoise, aru Tai laga kapra to asurit laga boga hoise.

John 6:3

Aru Jisu tilla te uthise, aru Tai chela khan logote ta te bohi jaise.

Colossians 4:2

Prathana te mon dikena kori thakibi. Dhanyavad dikene hoshiar thakibi.

Hebrews 5:7

Jisu prithibi te jinda thaka homoi te, Tai suku pani giri jor pora kandi kene Taike mrityu pora bacha bole para ekjon ke prathana aru binti korise, aru Tai laga prathana huni loise kelemane Tai sidha mon pora mangise.