Luke 5:11 - Indian Standard Version (ISV) Nagamese

¹¹ Jitia taikhan laga naw mati kinar te anise, taikhan sob chari kene Jisu laga piche korise.

Luke 5:11 Iomraidhean Croise

Matthew 10:37

Jun manu tai nijor baba aru ama ke Ami pora bisi morom kore tai Ami laga chela hobo na paribo; aru jun tai njior chokra nohoi lebi chukri ke Ami pora bhi bisi morom kore, tai Ami laga chela hobo na paribo.

Matthew 19:27

Etu pichete Peter jowab dikene Taike koise, “Sabi, amikhan sob chari kene Apuni laga piche korise. Amikhan nimite ki thakibo?”

Matthew 19:29

Sob manu jun ghor khan, nohoile bhai kokai khan, nohoile didi bhoini khan, nohoile baba, nohoile ama, nohoile bacha khan, nohoile kheti khan, Ami laga naam nimite chari diye koile, taikhan ki chari dise etu pora bhi eksoh bar bisi pabo aru namora jibon to pai lobo.

Matthew 4:20

Loge-loge taikhan laga maas dhura jaal khan phelai dise aru Jisu laga piche kori bole shuru hoise.

Matthew 4:22

Aru etu loge-loge taikhan laga naw aru baba ke chari kene Jisu laga piche korise.

Mark 10:21

Titia Jisu taike morom pora saikene taike koise, “Tumi ekta kaam he puncha nai, jabi aru tumi laga ki ase, sob bikiri kori kene dukhia khan ke di dibi, aru tumi sorgote dhun pai jabo, aru ahikena Ami laga piche koribi.”

Luke 5:28

Aru tai uthise aru sob chari kene, Jisu laga pichete jaise.