Mateo 11:10 - Ya bàbànán ne Dios nga nesúrát kiya baru wa túlag Genesis se Exodus

¹⁰ Ata e Juan ya kepapannán datu nesúrát ta kinag-kagi natu pagbàbànánan ne Dios kitun, nga nán na, ‘Gìnám ya kagiyan ku. Mangibon nà ka pagbàbànánan ku nga maginunna kikaw, nga mamagsagána kadaya tolay kiya ilalbet mu,’ nán na.”

Mateo 11:10 Iomraidhean Croise

Mateo 11:11

“Ay kagiyan ku kurug kadakayu nga kadaya ngámin tolay, ay áwan pikam neanà a mebíláng nga nangátu may e Juan na marammawtisár. Ngamay oray daya áwan sáasáad da meráman kadaya iturayán ne Dios, ay bíláng nga nangà-ngátu da may e Juan.

Mateo 11:3

Ay nán da ke Jesus, “Ikaw win kanu tu nekar-kari kadakami nga umbet onu atán pikam sabáli nga idaggán mi,” nán da.

Mateo 3:3

Ata tu Juan tu kepapannán natu nesúrát ta kinag-kagi natu Isaias nga pagbàbànánan ne Dios kitun kitu inagkuna na kídi: “Tú idi ya isar-sáraw naya isa nga tolay ka ir-ir-er: Magsagána kayu kiya ilalbet ne Apu. Kappiyánan nu ya dalenan na, nán na.”

Marcos 1:2

ay tu nekàwa kurug natu ummán kitu nesúrát ta kinag-kagi natu Isaias nga pagbàbànánan ne Dios kitun nga nán na, “Kagiyan ku kikaw nga mangibon nà ka pagbàbànánan ku nga maginunna kikaw nga mangisagána kiya ilalbet mu.

Lucas 1:76

Ay ikaw wa an-anà ku, mengagánan ka ka pagbàbànánan ne Dios nga kangatuwán! Ata ikaw ya maginunna ke Apu nga mangisagána kiya dalenan na kiya ilalbet na,

Juan 1:23

Ay tu nesungbát tu Juan ay tu nesúrát tu Isaias nga pagbàbànánan ne Dios kitun nga nán na, “‘Iyà ya makas-asáraw wa magbàbànán kiya ir-ir-er nga mamagsagána kadakayu kiya ilalbet ne Apu,’” nán na.