૧ શમુએલ 26:5 - ઇન્ડિયન રીવાઇઝ્ડ વર્ઝન ગુજરાતી - 2019

⁵ દાઉદ ઊઠીને જ્યાં શાઉલે છાવણી નાખી હતી તે જગ્યાએ આવ્યો; શાઉલ તથા તેના સેનાપતિ નેરનો દીકરો આબ્નેર સૂતા હતા તે જગ્યા દાઉદે જોઈ. શાઉલ ગાડાંના કોટને ઓથે સૂતો હતો અને લોકો તેની આસપાસ છાવણી નાખી પડેલા હતા.

પવિત્ર બાઇબલ OV Reference Bible (BSI)

⁵ પછી દાઉદ ઊઠીને જ્યાં શાઉલે છાવણી નાખી હતી તે ઠેકાણે ગયો; અને શાઉલ તથા તેના સેનાપતિ નેરનો દિકરો આબ્નેર સૂતા હતા તે જગા દાઉદે જોઈ. શાઉલ ગાડાંના કોટને ઓથે સૂતો હતો, ને લોકો તેની આસપાસ છાવણી નાખી પડેલા હતા.

પવિત્ર બાઇબલ C.L.

⁵ પછી તે તરત જ શાઉલની છાવણીમાં ગયો અને શાઉલ તથા તેના લશ્કરનો સેનાપતિ નેરનો પુત્ર આબ્નેર ક્યાં સૂતા છે તે જગ્યા શોધી કાઢી. શાઉલ છાવણીમાં સૂઈ ગયો અને માણસોએ તેની આજુબાજુ પડાવ નાખ્યો હતો.

પવિત્ર બાઈબલ

⁵ પછી દાઉદ શાઉલની છાવણી પર ગયો. તેણે શાઉલ અને તેનો સેનાપતિ નેરનો પુત્ર આબ્નેર કયાં સૂતેલા છે તે જોઈ લીંધુ. શાઉલ છાવણીની વચ્ચે સૂતેલો હતો અને લશ્કર શાઉલની આસપાસ હતું.

૧ શમુએલ 26:5 Iomraidhean Croise

૨ શમુએલ 3:27

આબ્નેર હેબ્રોનમાં પાછો આવ્યો, ત્યારે યોઆબ તેની સાથે એકાંતમાં વાત કરવા સારુ તેને દરવાજાની એક બાજુએ લઈ ગયો. અને યોઆબે ત્યાં તેના પેટમાં ખંજર ભોંકીને તેને મારી નાખ્યો. આ રીતે યોઆબે તેના ભાઈ અસાહેલના ખૂનનો બદલો લીધો.

૧ કાળવૃત્તાંત 9:39

નેરનો દીકરો કીશ હતો. કીશનો દીકરો શાઉલ હતો. શાઉલના દીકરાઓ; યોનાથાન, માલ્કી-શુઆ, અબીનાદાબ તથા એશ્બાલ.

૧ શમુએલ 17:20

દાઉદ સવારે વહેલો ઊઠયો અને એક રખેવાળને પોતાનાં ઘેટાં સ્વાધીન કરીને જેમ યિશાઈએ તેને આજ્ઞા આપી હતી તેમ તે સામાન લઈને ગયો. જયારે દાઉદ છાવણી આગળ પહોંચ્યો ત્યારે સૈન્ય યુદ્ધને સારું લલકાર આપી રહ્યું હતું.

૧ શમુએલ 17:55

જયારે શાઉલે દાઉદને પલિસ્તી સાથે લડવા જતા જોયો હતો, ત્યારે તેણે સેનાપતિ આબ્નેરને કહ્યું હતું કે, “આબ્નેર, આ જુવાન કોનો દીકરો છે?” આબ્નેરે કહેલું કે, “તારા જીવના સમ, રાજા, હું તેના વિષે કશું જાણતો નથી.”

૧ શમુએલ 26:4

માટે દાઉદે જાસૂસો મોકલીને જાણી લીધું કે શાઉલ નિશ્ચે આવ્યો છે.

૧ શમુએલ 9:1

બિન્યામીનીઓમાંનો એક માણસ હતો. જે પ્રભાવશાળી હતો. તેનું નામ કીશ હતું, તે બિન્યામીનીઓમાંના અફિયાનો દીકરો, બખોરોથનો દીકરો, સરોરનો દીકરો, અબીએલનો દીકરો હતો.