Yuda 1:17 - Biblía Axweesantá Hhohho' ar Mungú 2004

¹⁷ Ala kuungá' sla'aaruúse, /ayma'aá aáng taa káh aáng nee Ya/abuusér Aakoorén Yesu Kristo inslawaak.

Ya/abtór hho' 1977

¹⁷ Ala kuungá' sla'aaruúse, inslawaak /ayma'aá taa káh aáng nee Ya/abuusér Aakoorén Yesu Kristo.

Yuda 1:17 Iomraidhean Croise

MALAKI 4:4

«Dabe inslawaak, nee kaahi, nee hara'ayaadá' naa haniís dír sagadiyusmooeé' Mose gawaá Sináír wa ale, as múk Israeli sleémeero ngiwa eehari.

Tlehhema'aá ya/Abuuse 20:35

Baraá muruú yaariire aníng ngaa laqaám, adór gár atén tiwa hariím, tar liitlakuuse kawa alee/iisaan, ar gadiyér adór tí kawa tleehhaan. Nee /ayma'aá Aako Yesu ki inslawaán, kudá' iwa oó', ‹Qwala/ i deer baraá gaa haniisaro ta baraá gaa ilaooharo.› »

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

2 Petro 3:2

Asma gár kuungá' tunduwa hariím a /aymi'iidaá aaruusér aáng ar hhohho' in insleerá', nee hara'ayaadá' Aako nee Ba/amusmo aa axweés ar loohír ya/abuuserhúng.

1 Yohana 4:6

Atén awa Mungú, umuúqo heé Mungú gu xuú', axweesantarén ga axamiis, múk Munguheeká axweesantarén ga axamiisiiká. Ar adoorihe qeeruú ló' u tsaahhaán nee qeeruú lamto.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.