Yuda 1:12 - Biblía Axweesantá Hhohho' ar Mungú 2004

¹² A múk hhitár huwahuúw baraá dinku'uumarhúng tidár muruú /aymár sla'aariro. Tan al /ayín nee kuungá' ar mure wasle. Inooín kilooín tin xuiyá'. Inooín a adór huunkoó tar hi'iimiiti nee fur'a, ala i tluwoó konká. Slám inooín a adór xaa'aá mamaá kooma'aaká qoomár hariímár mamaá xaaiwo, kudá' taa dee/aruú al tuú/, nee niri kahiyé' niri slupuutiyé'.

Ya/abtór hho' 1977

¹² A múk hhitár huwahuúw baraá dinku'uumarhúng tidár muruú /aymár sla'aariro. Tan al /ayín nee kuungá' ar mure wasle. Inooín kilooín tin xuiyá'. Inooín a adór hunkoó tar hii'imiiti nee fur'a, ala i tluwoó konká. Slám inooín a adór xaa'aá mamaá kooma'aaká qoomár hariímár mamaá xaaiwo, kudá' taa dee/aruú al tuú/ nee niri kahiyé' niri slupuutiyé'.

Yuda 1:12 Iomraidhean Croise

2 QOM'I 7:20

aníng kuungá' nu hingeés baraá yaamuuká na kuungá' i haniisi, nee Do'owí aníng naa hhoohhooeés as umuueé', un amór saáwí kwaáhh dir'eene. Xoordu sleémeero do'owí ngway waqaaiyá' nee ngway niqiná'.

YOBU 8:17

Dee/áruuwós tin baraá tsirxadaá tlaa/ér marmaar, iri baraá guruú tlaa/árí dah.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 37:2

Asma nin tseewa kahiyá' adór gitso, nin /ootsiyá' adór hatlitú wa ale.

AXWEESANOÓ SAGALOOA 25:14

Adoodár huunkoó tluwoó koomaaká nee fur'a i dirii'iya', an adór heé gaa ga ala oo' aluuwo gari hanisiiká.

ESEKIELI 17:9

«Hám daxta anuú Aakoó MUNGÚ u yaahamiís, Xáy, xa'anoowuú sabiíbu iqo harmá/i? Ahaá xáy, dee/áruuwós kuqo tu/iikáhe, kuqo dee/ár altu/iikáhe nee mamuuwós niri dixiyá', nee haleemaawós kudá' dutlutluu/á' niri /ootsiyá'. Heé /uuruú koóm laqaá slaqwaruuse a sla'aanaaká nguwa dee/áruuwós altu/iya'.

ESEKIELI 34:10

Anuú Aakoó MUNGÚ a kah, Aníng nee kuungá' de'eemuuse ti araán. Aníng kuungá' nu hingeés bee/angw'eé' kuwa sawaawuti'iinda', slám a malé ya/amaaká bee/angw'eé' kuwa de'eenda'. Pa/ángw kuungá' tiwa kiloohúng /aymisa' u sleera'aaká. Bee/angw'eé' un tuú/ baraá aferhúng wa ale, mukuwa malé /aáy.»

ESEKIELI 34:18

Kuungá' ka ga/eera', a gár niináwe kuungá' tunduwa /aymiís ar qawór hho', nee qawtantá hatlá' aa met kari tlupitá' ar ya'aahúng? Slám kuungá' ma'aá hhohho' ina wahaandé', ala kudá' naa meetiye' misa tumbiindé' ar ya'aahúng?

ESEKIELI 34:2

«Heewí, aariím daanduú de'eemuusér Israeliwo. De'eemuuse kabeeto, anuú Aakoó MUNGÚ a kah, ‹Tsaxwaahúng, kuungaásingaá de'eemuusér múk Israeli, kuungaásingá' ti kiloohúng /aymisá'. Xáy, hariimaro a de'eemuuse bee/angw'eé' gun /aymiskáhe?

ESEKIELI 34:8

Adoodá' anuú Aakoó MUNGÚ nir hotaatima, aníng aga ló'wa slahhaá' bee/angw'eé' nguwa ga/áw tawa muruú /aymár makaá xaraaslá', asma heé gu de'eém i kaahh, asma de'eemuuser'eé' bee/aangw gwa leeleehhitká, ala inooín gur'er'ín kilós ngina harmagaahhiyé'.

HOSEA 6:4

Israéli, aníng kuúng adór u laaq? Yúda, aníng kuúng adór u laaq? Asma sla'aarirhúng a adór tlaangír matlaatle, nee adór hara'uú tseewa huú'.

TLAHHOÓ LAÁWI 14:43

«Barnaxes dir/akuú tiqtír tsatmit naa male deeruút, alaá tlaa/aá /aben kiwa qaás nee na/amisuú /abene,

Matayo 13:6

Nee tam tsee/amá iwa gwa/aát iri káh, asma dír dee/ár nguy sihhi i káhh.

Matayo 15:13

Giri báy, «Umuúqo dahaasíngw Baabuúeé' oo gawaá doori aa dahaasiiká, ku tuu/.

Marko 4:6

Tsee/amá iwa gwa/aát iri káh, asma dír dee/ár nguy sihhi i káhh.

Luka 12:45

Ala i ya/aán sagadiyusmoodá' iwa baraá muunaáwósí ooi, ‹Qaytsiít, aakooeé' ki/imawo naa tliík.› Ala tí ooaro binga hhe'eés, sagadiyuuseedár hatlá' ar hhawaate nee ar /ameenaaro gari muxtár áy. Inós iri /ayín nee iri wahán nee iri ooniit.

Luka 16:19

Yesu iri oó', «Heeko wák i deer, oo daqaarmo. Inqwaruú i tsitatiiti a inqwaruú sirda/atén, nee taa tleéhh ar kitaánír hhohho'. Nee umuú deelooro muruú /aymár hhó' gun /aa/aay.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Luka 8:6

Oo hatlá' ina paáhh gawaá tlaa/a. Niwa ti'iít iri káh, asma hhapér kilá' i káhh gawaadae.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

1 Timoteo 5:6

Ala kwaalo'oodá' ilatleerirós eeharahaar, inós aa gáwtií gwá' tim slafa.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Yakobo 5:5

Kuungá' baraá slafingwhunge ana hoté' ar hheehha nee ar qwal/uú ilatleeri. Kuungá' munerhúng ana wahhaareemisé' as deeloodá' tunduwa tsu/i.