Yuda 1:10 - Biblía Axweesantá Hhohho' ar Mungú 2004

¹⁰ Ala mukwí muruudá' ta tsatsahhanká kun /ooslislín. Nee inooín ilatleeridá' taa slaqooín altleéhh ngin eeharahariyá' adoodá' makaá fuqurángw kooma'aaká sleeme i tlehhahhitiya', gawaá adoorihe inooín i hhaná' as hotaá adoorí.

Ya/abtór hho' 1977

¹⁰ Ala mukwí muruudá' ta tsatsahhanká kun /ooslislín. Nee muruudá' slaqo oo iimír iimu/uungw ta tsatsahhan, kudá' makaá fuqurángw kooma'aaká sleeme i tsatsahhana', mukwí slaqooín gin hhitiitín ar muruudá'.

Yuda 1:10 Iomraidhean Croise

Rumi 2:14

Asma tam xoordaá hatlá', kudá' hara'ayár Mose ngi kooma'aaká, inooín baraá tlehhmi'ii'ine gár ta tleehhi a tidá' hara'ayár Mose i kat.

Filipi 3:19

Inooín i loohír i dirii'iyá', tidár baraá qwanoó kaw. Munguúín a gura'. Muruú tir xirfayeemisi a kuduú murér koóm. Muruú ta inslaslay oo baraaká' yaamu kilós.

2 Petro 2:12

Ala intsaahhatuuseerí muruú ta xuiiká kun /ooslislín. Inooín a adór makaá fuqurángw kooma'aaká, kudá' taa tleéhh as kiwa oohi nee kiwa qwaareesi. Inooín sleeme ki qwaarees adoorír aleeró, asma hhitiru'uumar'ín.