YOSHUA 9:9 - Biblía Axweesantá Hhohho' ar Mungú 2004

⁹ Inooín nay ooiyé', «Atén amór ta dahhaan a amór yaamaá saawá', asma atén aga axasaán daanduú AAKOÓ MUNGÚ, Munguúhunge, tidá' inós aa tleéhh dír múk yaamaá Misri,

YOSHUA 9:9 Iomraidhean Croise

1 WAAWITÁ 8:41

«Tam hoomo sleeme oo naa xay amór yaamaá saawá' wa alé, oo heé Israeliwooká as umuuwók,

NEHEMIA 9:5

Aluuwo múk tlahhoó Laáwi ín Yeshua, nee Kadmieli, nee Bani, nee Hashabuea, nee Sherebia, nee Hodia, nee Shebania nee Petahia, muu nguri bayé', «Sihhiité', AAKOÓ MUNGÚ, Munguúhúng xirfayeemisaak, iimír iimu/uungw wasle ay alhhe'eesay wasle. Nee umuuwók kudá' xiríf ku diidi'iimisi, kudá' aa iia tleeruy ta tsuuqa nee xirif sleémeero.»

WARA'AMI 148:13

Kuká' sleémeero umuú AAKOÓ MUNGÚ ngu xirfayeesiye', asma umuuwós kun ak úr ta umér hatlae, xirfuuwós yaamu gaa waaraáhh nee dooriwo.

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 78:12

Dír geeraá baabi'ii'ine muruú waa/oo/amo guna tleéhh, baraá yaamaá Misri baraá qamaá Soani.

WARA'AMI 83:18

Ngi tsaahhiye' adór kuúng AAKOÓ MUNGÚ, kuúng kilók tar Munguú úr baraá yaamu sleémeero.

TI'INAANGW 15:14

Xoordu ngiwa axaasiyé' inooín niri daaraxiyé'. Kudá' baraá yaamaá Filistír wa hootá' naa daandeemo feehhamiitiyé'.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

ISAYA 55:5

Ga/aawaak, xoordaá kuungá' ta xua'aaká in atetá', nee xoordaá kuungá' nu xua'aaká ni tii'íngwár hardihiyá' amorhúng. As anuú AAKOÓ MUNGÚ, Munguúhúng, kudá' hhoohhoó' oo Israeli, an kudá' kuungá' naa iia tleerees.»

ISAYA 66:19

«Aníng laya an qaás, baraá tla/angw'ín, dir'ine awa na meetiye' ngiri huúw baraá xoordu, amór Tarshishi, nee amór Puti, nee amór Ludi kudá' ga/aldaá xuá' tlaqutuwo, nee amór Tubali, nee amór Yowani, amór ayeemoodá' sawen awa afaá tlawi kudá' handá' kangw'eé' ngwa axasi'iiká nee xirfuueé' ngwaa ari'iiká. Amoodae muk'eé' xirfuueé' guri alki/iit dír xoordu.

FAARO 14:15

Ala hamí daxta barnaxes mukók ugwa tsú/ ar wai wak, xoorduudá' xirfuuwók ngwa axaasiye' tari ooi,

FAARO 20:14

Mose muu guna amór Kadeshír wa ya/aáw ay dír waawutmoó yaamaá Edomu, guri báy, «Hhiyaawók Israeli i kaahi, ‹Kuúng a xú' slahh'amuudá' taa slawaán.

Tlehhema'aá ya/Abuuse 8:7

Asma múk yaariír neetlaame aa eér, neetlaameedá' iri /aa/amiín ar afór ur, iri ti'imít. Nee múk yaariír oo tiqtír sol'omit nee taqooraay kuri hungu/umiís sleeme.

DABE 20:11

Barnaxes yaamuuloouusér gixsadá' wayda gu sla', nee dabaaín ngaa hanís, daqaní múk baraadií dirií' sleémeero kuungá' nu sagadiyuus, nee gadiyeedaá kiwa /uurutimiisi ngi tlehhiitiyá'.

DABE 20:15

Adoorí an adoodá' ta tlehha' dír gixsaduudá' sawen dirhunge dír yaamuudá' kuungá' sleémeero ta ala'a.

YOSHUA 9:10

nee tidá' aa tleéhh dír waawitaadá' tsár oo Amori, kuduú bihhaá da/aáw awa Yordani, waawutmo Sihoni oo Heshboni nee Ogu waawutmoó Bashani, kudaádá' aa hoot Ashtarotír wa ale.

YOSHUA 9:16

Deelo tám iwa waaráhh alaá axweesantidae, múk Israeli gari tsaáhh adór múk Gibeoni kur inslaawaydií tseéw.

YOSHUA 9:17

Bál tám múk Israeli tana tláy dír xafay'ín wa alé, tay hardáh ay dír gixsadudaá múk Gibeoni. Gixsaduín a Gibeoni nee Kefira, nee Be'eroti nee Kiriat-yearimu.

YOSHUA 9:24

Inooín nari ooiyé', «Atén a xuaán adór AAKOÓ MUNGÚ, Munguúhúng, sagadiyusmoowós Mose ngura ádbáy múk baraá yaamuuká' nguwa hhaamisi, nee yaamuuká' ngiwa kuungá' i haniisi. Gawaá adoorihe atén ana da'ayuutaán. An gár adoorí ngisa tleehhaán.