YOSHUA 9:25 - Biblía Axweesantá Hhohho' ar Mungú 2004

²⁵ Ala atén daxta a baraá dabaawók i diriiaán, tidá' hhoo' kuúng taa aán aténí tleehharo, tleehheek.»

YOSHUA 9:25 Iomraidhean Croise

IIMU/UUNGW 16:6

Ala Abramu Sarai gari báy, «Ga/aaweek, sagadiyuso'oorók i dabaawók, tidá' hhoo' dír ilawoge ti tlehh.» Sarai gari ló'wa baramaaús, iri tlatláhh dír geeraawose.

2 SAMUELI 15:26

Ala bar AAKOÓ MUNGÚ aníng i slaiiká, naagáy, aníng ti amohhoó', inós umuú gaaro ar inós aa hhoeemaá wa ár bartose, ngi tleehhi.»

2 SAMUELI 24:14

Daudi iri oó' dír Gadi, «Hhaslór yaariir iga eér! Ala a tsiní tiwa slahhi nee AAKOÓ MUNGÚ, ta tiwa qaasi baraá dabaá muu, asma AAKOÓ MUNGÚ i gurtleemuú kón.»

2 WAAWITÁ 10:5

Gawaá adoorihe, geeraharusmoó úr oo baraá doó waawutmo nee ga/aawusmoó úr oo gixsadá', dinkwa nee geeraharuusér hatlá' nee xuumuusero, afoorí kana ya/aáw amór Yehu, tawa kaahi, «Atén a sagadiyuuseerók, adór kuúng ta kat atén a tleehhaán, ala atén heé hatlá' u tsawaranaaká waawutmoó wá alé, gár kuúng ta sla' ar hariim tleehheek.»

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

YEREMIA 26:14

«Ala bartaeene, ga/aawaak, aníng a gawaá dabaahúng i dirií'. Kuungá' adoodá' ta ga/eera' hariim nee qoom dirhunge aníngí tleehhare'.

YEREMIA 38:5

Waawutmo Sedekia iri oó', «Ga/aawaak, inós i gawaá dabaahúng, aníng kuungá' ila/aro nu aleeslawaaká.»

Matayo 11:26

Eeít, Baabá, asma adoorí an adoodá' kuúng kara slá'.»

YOSHUA 9:26

Adoorí an adoodá' Yoshua aa tleéhh. Inós múk Gibeoni guna baáq, nee inós sleeme aa ya/aniká múk Gibeoni kuwa tsu/i.

HAR'OHUUSE 10:15

Ala múk Israeli ina kumiít axweesanto dír AAKOÓ MUNGÚ tawa kaahi, «Atén tlakweema iga tleehhaán. Ala tidá' kuúng ta sla' daandemoorene tleehheek, na'ás, atén laarí ti tu/.»

HAR'OHUUSE 8:15

Gideoni iri kií/ amór múk Sukoti, giri báy, «A insleerá'aáke adór ira niqisé' tawa oé', ‹Gár mukók oo aa slaaqamiit ngus mikaáteérí hanisaan a milá bar Seba nee Salmuna iga qo ohiindi'iiká.› Gimsé' daxta, Seba nee Salmuna an sangw kuká'.»

1 SAMUELI 3:18

Naagáy Samueli umuúqo /aymuuwo guna oó', oo aa duqún i kaahh. Eli iri oó', «Inós a AAKOÓ MUNGÚ. Inós adór i slai ngi tleehhi.»