YOSHUA 9:20 - Biblía Axweesantá Hhohho' ar Mungú 2004

²⁰ Inooín in slafíngwí mawaán as al'axweesantarén. Atén bar adoorí aga tleehhaniiká Aako atén ti slahh'eemisuú úr i huuw.

YOSHUA 9:20 Iomraidhean Croise

2 QOM'I 36:13

Sedekia kángw waawutmo Nebukadnesa axaasaro guri sií' tam Nebukadnesa Sedekia ngwa lo'ór /aymisi ar baraá umuú Mungú as tidá' Nebukadnesa i ooi mingiwa sií'. Inós da/eewawós giri gawdeés, tam guruuwós guri tlaa/árí dahaás as miwa kií/ amór AAKOÓ MUNGÚ, Munguú Israeli.

AXWEESANOÓ SAGALOOA 20:25

A dakuús hee iwa gaanslár ooi, «Gaarí a haniís dír Mungú.» Aluuwo iri aluúwaá gurbo/áy gadaádá' haniisaro.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

Rumi 1:31

tari daktu'uút múk inkihhimuú koomaaká, múk muk'ín gu sla'aaká, nee múk gurtleemuú koomaaká.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

YOSHUA 9:19

Ala geeraharuusér Israeli muk'ín guna beér, «Adoodá' al'axweesani ngiwa tsáp wa ooaán ar umuú AAKOÓ MUNGÚ, Munguú Israeli, as adoorí hamí i kwatitanaaká.

YOSHUA 9:21

Gimsé' mawaak i hootiye', gadiyér migír feehhamis nee ma'aay hhekw a tooín.» Adoorí an adór geeraharuusér Israeli aa ó'.