YOSHUA 9:19 - Biblía Axweesantá Hhohho' ar Mungú 2004

¹⁹ Ala geeraharuusér Israeli muk'ín guna beér, «Adoodá' al'axweesani ngiwa tsáp wa ooaán ar umuú AAKOÓ MUNGÚ, Munguú Israeli, as adoorí hamí i kwatitanaaká.

YOSHUA 9:19 Iomraidhean Croise

DAHARUSMO 8:2

Hara'ayár waawutmo iiloeseek, asma al'axweesantadá' lo'o kawa húp ar umuú Mungú.

DAHARUSMO 9:2

Mura' sleémeero i adór wakár tleehharumiit dír muu sleémeero. Gadaádá' tleehharuut dír heé hota ganaa'a aqo tidá' tleehharuut dír heé tlaakwe, dír heé hhoó' nee dír heé hhooeekahe, dír heé daba' hhohhó' nee dír heé daba' tlakwe, dír heé ilahhooár muruú ta tsu/i ga hanmiisa, nee dír heé ilahhooár muruú ta tsu/i ga hanmisaakahe. Adór heé hhoó' i dirii'i an adór heé tlaákw i dirii'i sleeme, dimbé i káhh dír heé lo'ór /aáy nee oo ga /ayakahe.

YEREMIA 4:2

Barnaxes lo'o aga /ák ar looeema nee ar sakwasleemár ganaa' nee ar hotaá ganaa'á', tari ó', ‹Ar adór AAKOÓ MUNGÚ ir hotaatina,› daqaní xoordu tsuuqa ngiri dir'eé' wa slayá', tari xirfayeemisiyá' as aníng.»

YOSHUA 9:18

Ala múk Gibeoni sleeme kwa tsu/iiká nee múk Israeli, as al'axweesantadár wayda taa káh ar baraá umuú AAKOÓ MUNGÚ, Munguú Israeli. Aluudae muu sleémeero tari qununuú/ dír geeraharuuser'ín daanduú tihe.

YOSHUA 9:20

Inooín in slafíngwí mawaán as al'axweesantarén. Atén bar adoorí aga tleehhaniiká Aako atén ti slahh'eemisuú úr i huuw.