YOSHUA 9:15 - Biblía Axweesantá Hhohho' ar Mungú 2004

¹⁵ Yoshua al'axweesani gari oó' ar múk Gibeoni kuwa tsu/iiká nee múk Israeli. Bariisér Israeli kaangwí guri ya/aán boo/eesaro.

YOSHUA 9:15 Iomraidhean Croise

2 SAMUELI 21:2

Gawaá adoorihe waawutmo Daudi múk Gibeoni guna ateét. Múk Gibeoni inooín awa tlahhoó Israeliwooká. Inooín a múk naa meet baraá múk Amoriwo. Geera múk Israeli lo'o gana /aáy as kiwa tsu/iiká, ala Saulo sleémeero gina iiár tsu/taaro. Ina ilakaahareés, as múk Israeli nee múk Yuda ngiwa gurií baá/.

TI'INAANGW 23:32

Kuungá' alqado ma tleehhara' nee inooín, laqaá tam nee munguii'ín.

YOSHUA 10:1

Adoni-sedeki, waawutmoó Yerusalemu, gana axaás adór Yoshua gixsár Ai ngira hayóh, gari hhitín nee waawutmowós guri gaás. Adoorí an adór aa tleéhh sleeme dír gixsár Yeriko nee waawutmoowose. Inós sleeme gari axaás, adór múk Gibeoni al'axweesantá wayda ngira kaahiyé' nee múk Israeli tawa alhooti.

YOSHUA 10:4

Iri oó', «Qwalaasaré', án alee/iisár awaaré', múk Gibeoni ui haratlawaán, asma inooín al'axweesantá wayda nga kaahiyé' nee Yoshua nee múk Israeli.»

YOSHUA 11:19

Gixsár hatlá' ar wayda gwa tlehh nee múk Israeli i káhh, aqo har gixsár Gibeoni kilós, nee múk ayaadá' hoót a múk Hifi. Gixsadaá hatlá' sleémeero nee Yoshua tana slaáqw giri baál.

YOSHUA 9:16

Deelo tám iwa waaráhh alaá axweesantidae, múk Israeli gari tsaáhh adór múk Gibeoni kur inslaawaydií tseéw.