YOSHUA 9:1 - Biblía Axweesantá Hhohho' ar Mungú 2004

¹ Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

YOSHUA 9:1 Iomraidhean Croise

2 SAMUELI 24:7

Tari hardáh ay dír koo/ír gawit ar gixsár Tiro, tari dáh baraá gixsadu sleémeero awa xoorór Hifi, nee awa xoorór Kana'ani. Tari tláy ay Negebu yaamaá Yuda amór Be'er-sheba.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

TI'INAANGW 23:31

Digmuú yaamuuhúng a iimír tlawtá Shamúr wa tleemu ay tlawtá Mediteranea, iimír xaanxáy wa tleemu ay yaaér Eufrate. Asma yaamuloouusér yaamuuká' ngi gawaá dabaahúng i qaás nee kuungá' kiri tlatlahhasá'.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 34:11

Hara'ayaarí laarí ni kuúng babaw harmagahheek! Ga/aaweek aníng xoorór Amori nee ar Kana'ani, nee ar Hiti, nee ar Perisi, nee ar Hifi, nee ar Yebusi an geerahúng wa tlatlahhaás.

FAARO 13:29

Múk Amaleki dír Negebu ngi hootiyá'. Múk Hiti, nee oo Yebusi nee oo Amori dír i hootiya' a gawaá tlom'i, nee múk Kana'ani dír i hooti a isaapoó Tlawtá Tla/aangw nee afaá yaaér Yordani.»

FAARO 34:6

«Digmuuhúng oo bihhaá /uwa a Tlawtá Tla/aangw, gaarí an digmuuhúng bihhaá /uwaawo.

DABE 1:7

Hám daxta xafaay fee/aak, aaiwo geeray kumiitaak. Tlawsé', baraá yaamaá tlom'aá koomá' awa xoorór Amori, nee yaamuudaá inslaawaay, kudaá baraá yaamaá Araba, baraá tlom'iidá' nee baraá xatsoodaá amór Negebu, nee yaamuudaá afaá tlawi, ta tleerá' ay yaamaá Kana'ani, nee yaamaá Lebanoni ay yaaeedá' ur ar Eufrate.

DABE 3:25

Aníng kuúng un firiím ni waaraáhh yaaér Yordaniro, yaamuudá' hhoohhoo' awa bihhaá /uwa Yordaniwo masók i ár, yaamaá ló'wa hhoohhoo' awa tlom'aá hhohhó' koomá', dinkwa nee tlom'aá Lebanoni.›

DABE 4:49

dinkwa nee bihhaá da/aáw awa yaaér Yordani ay tlawtá Araba, alhhe'eesoó /etángw tloomár Pisga.

DABE 7:1

«AAKOÓ MUNGÚ Munguúhúng nu hardahaas baraá yaamuudá' kuungá' tay hotaá eera', nee xoordaá yaariir awa baraadá' gi guus. Qoomár bara daté' baraá yaamuudá', inós xoorduudá' faanqw /uuruú koomá' ta kuungae gi guus. Inooín an xoorór Hiti, nee xoorór Girgashi, nee xoorór Amori, nee xoorór Kana'ani, nee xoorór Perisi, nee xoorór Hifi nee xoorór Yebusi.

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 1:4

Digeemihúng bihhaá basko a iimír xaanxaywí wa tleemu bihhaá /iiko ay tlom'aá Lebanoni, bihhaá da/aawe ay yaaeedá' ur ar Eufrate, yaamaá múk Hiti sleémeero, bihhaá /uwaawo harki/isayhúng ay Tlawtá Tla/aangw.

YOSHUA 10:23

Naagáy afkú mar'idá' kway kiís, waawitaádá' kooán kunguri duúx, kuri huúw amór Yoshua, waawutmoó Yerusalemu, nee oo Hebroni, nee oo Yarmuti, nee oo Lakishi nee waawutmoó Egloni.

YOSHUA 11:17

yaamudaádá' na amór tloomár Halakír wa tlaye' bihhaá basa awa Seiri, nay kumiitiyé' ay Ba'al-gadi bihhaá /iya baraá tlapár Lebanoni ay tloomár Hermoni. Yoshua nee waawituú baraá yaamuudá' tana slaáqw, yaamuuín sleémeero giri hayóh nee inooín sleémeero giri tsuú/.

YOSHUA 13:5

Bihhaá da/aawe yaamu sleémeero awa Gebali nee awa Lebanoniro ay Ba'al-gadi afaá tloomár Hermoni, tay ti'itá' ay Lebo-hamati.

YOSHUA 15:12

Bihhaá /uwawo digmuuín a Tlawtá Tla/aangw. Gaarí an wa/aamér digmuú yaamaá ta tlahhoó Yudawí haniís ar harqoomoó tlahhay'ín.

YOSHUA 22:4

Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

YOSHUA 22:7

Mose tlaqtá tlahhoó Manase gaa qaroó aalírí haniís ar yaamaá Bashani. Nee Yoshua tlaqtadár hatlá' gaa aalírí haniís tla/ángw hhaeeín amór bihhaá /uwa yaaér Yordaniro. Daxta qoomár ngiwa ya/aámár i haniís niwa watliya' amór maray'ín, inós gina tsuúq.

YOSHUA 23:4

Ga/aawaak, aníng yaamu sleémeero awa xoorduudá' naa meetiye' nee kudá' naa tlatlahhaasani nga dirhúngií ka'amaamiís iimír yaaér Yordanír wa tleemu ay Tlawtá Tla/aangw bihhaá /uwaawo.

YOSHUA 24:11

Aluuwo yaaér Yordani kari waarahhé', tari hardaté' Yerikórí ale. Múk Yeriko nari slaqwarár áy amorhúng. Tina alkoné' nee xoorór Amori, nee ar Perisi, nee ar Kana'ani, nee ar Hiti, nee ar Girgashi, nee ar Hifi, nee ar Yebusiro. Aníng xoorduuká' ngiri gawaá dabaahúngií qaás.

YOSHUA 3:10

Yoshua iri oó', «Daxta a tsahhá' adór Munguú slaáf ir baraá tla/angwhúng i dirií', nee mukwí gu baloó mayká hingeesaro dír geerahunge: Múk Kana'ani, nee múk Hiti, nee múk Hifi, nee múk Perisi, nee múk Girgashi, nee múk Amori, nee múk Yebusi.

YOSHUA 3:17

Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

YOSHUA 9:7

Aluuwo múk Israeli iri oó' dír múk Hifi, «Atén nee kuungá' gár al'axwesantá wayda kas alkaahaan a milá? Hám wané kuungá' tundu yaameerí tseéw.»