YOSHUA 8:4 - Biblía Axweesantá Hhohho' ar Mungú 2004

⁴ Yoshua giri báy, «Kuungá' maamahhaté' ar alaá gixsa ma saweesara' bihhaá gixsaro, ala masók tundu amohhoó' umuú qoomaaro.

YOSHUA 8:4 Iomraidhean Croise

2 WAAWITÁ 7:12

Tam siiwadaádae iimi i giba, waawutmo ina tláy qatuuwo sagadiyuuserós gari báy, «Aníng a xuú' adór múk Aramu ta tlehhiiti. Inooín ngi xuiyá' atén a ló'wa qwariitaan. Hamí xafay'ín nguna geexayé' nari nahhaatiyé' as kahhó', atén bara muruú /aymár leelehhtuú awaán, atén sleémeero tin slafingw ohiná', gixsarén kari hayoh.»

2 QOM'I 13:13

Ala qoomaarihe Yeroboamu slaqwaruuse bahh'alé gana ya/aáw as slaqwaruusér Yuda kawa aluú wa haramamahhati, slám slaqwaruuse tooka i geerií dirí'.

DAHARUSMO 7:19

Sagalooa i /uuruú hanmís dír heé sagalooe, ta waawituú mibaangw oo gixsár sawaawuti'ii'ima.

DAHARUSMO 9:16

Ala aníng an kah, sagalooa a tsiní ta /uuruuwo tam sagalooár narkutmo i waaqa'atita, laqaá tam axweesantós heé ga axamiís i kahhi.

Tlehhema'aá ya/Abuuse 23:21

Ala kuúng ma ya/aamaar, asma múk mibeeraá tsiyáhh gi waaraáhh ngu loohír wa gigidiná'. Nee inooín lo'o ngaa /ayiyé' ar iwa /ayina'aaká, laqaá i wahiaaká, ay dír Paulo ngway gaasiya'. Nee hamí axweesantá amoorók daahh ngin daamaraná'.»

YOSHUA 8:16

Múk gixsár Ai sleémeero, Yoshua nee mukós kiri aluú wa guús, inooín karir goów nay saweesiyé' dír gixsár Aiwo.

YOSHUA 8:3

Yoshua slaqwaruuse gari amohhe'eés tawa haratlay Ai. Slaqwaruusér kume mibeeri tám gana tsawaár, gari ya/aáw ay Ai xweeraawo.

HAR'OHUUSE 20:29

Múk Israeli iri tsa/án Gibea tari nahhaát, gixsár Gibea kari harweér bihhe sleémeero.

HAR'OHUUSE 20:33

Múk Israeli sleémeero wa/ameedá' ti amohhe'eesii'i nari ti'iitiyé', tiri amohhe'eesiyé' amór Ba'al-tamari wa alé. Nee múk Israeli kudá' baraá giiroórí dirií' niri ti'iít ar gaanslaay bihhaá /uwa awa gixsár Geba.

HAR'OHUUSE 20:36

Naagáy múk Benyamini gari ár adór kira baál. Múk Israeli ina alií kií/, asma múk naa harahhifiyé' a hhaeeín kudá' taa qaás baraá giirór gixsár Gibea.

HAR'OHUUSE 9:25

Múk Shekemu muu nguri qaasiyé' gawaá ságw tlooma as Abimeleki nguwa giiriya'. Mukdá' waaraáhh daqaari'iimar'ín kana hayoohín. Abimeleki kway kaangwí báy.

HAR'OHUUSE 9:32

Tlawsé', kuúng nee mukoge xweeraá tlawaaré', giiro awaak baraá qamuudaá afaá gixsa.

1 SAMUELI 15:2

AAKOÓ MUNGÚ Aleesleemusmo i kaahi, ‹Múk Amaleki u slaáhh asma inooín múk Israeli iwa Misrír dahhi nguna saga'ayé' loohírií ale.

1 SAMUELI 15:5

Saulo gixsár Amaleki gari haradáh, iri baraá xatstá wa giír.