YOSHUA 8:33 - Biblía Axweesantá Hhohho' ar Mungú 2004

³³ Múk Israeli sleémeero dinkwa nee geeraharuuser'ín nee bariise nee har'ohuuseero nee hooma sleémeero ar baraá tla/angw'íní dirii', tana sihhiít bihhér sandakmoó alqado, dír geeraá kaahamuusér Mungú ar tlahhoó Laáwi, tidá' sandakmooduú alqadór AAKOÓ MUNGÚ loohamamiis. Muu tina tla/a tsaát, bahh'alé ta geeraá tloomár Gerisimu wa sihhimiit, bahh'alé ta geeraá tloomár Ebali, adoodá' Mose, sagadiyusmoó AAKOÓ MUNGÚ ngira qaroó oó', tawa adór múk Israeli kur tsuuqi.

YOSHUA 8:33 Iomraidhean Croise

TI'INAANGW 12:49

Dabeerí i hariín dír yaamuloouusér Israeliro nee dír /eetuseedá' baraá tla/angwhúng hoota.»

TLAHHOÓ LAÁWI 24:22

Dabeerí in hariín as hoomoó ayaahúng hoót, nee yaamuloouuse. Asma aníng an AAKOÓ MUNGÚ, Munguúhúng.»

FAARO 15:15

Baraá qari sleémeero ar hi'iita dabeedá' kuungá' ta eeharaahada' hoomoó nee kuungá' alhootá' sleeme gan eehar, asma kuungá' nee hoomoowí dír geeraá AAKOÓ MUNGUHE dimbé i káhh.

FAARO 15:16

Kuungá' nee hoomoodá' dabér nu geeraharahaar a wak, nee kaahír nu geeraharahaar a wak sleeme.»

FAARO 15:29

Yaamuloouusér Israeli laqaá hoomár ayaaín hoota, dír mukwí sleémeero dakwí wák na eeharaak dír umuúqo heé dakuúsár pa/aayo gaa tleehhi.

Yohana 4:20

Baabi'iirén Mungú nguna sluufmiisiyé' gawaá tloomarí wa ale, ala kuungá' a kata' Yerusalemu an dír Mungú iwa harin sluufmisuuwo.»

DABE 11:29

AAKOÓ MUNGÚ barnaxes naa hardahaás baraá yaamuudá' ta aalír eera', tsuuqa kiri ilahanisá' gawaá tloomár Gerisimu nee lu'umis kuri ilahanisá' gawaá tloomár Ebali wa ale.

DABE 31:12

Muu sleémeero dinkwárí burumbureek, hhawaate nee /ameenaaro nee na/iiwo, dinkwa nee hoomár baraá gixsaduuhúng wa hoota, as kahhó' ngiwa axaasiya' nee ngiwa intsaatsahhiya' nee AAKOÓ MUNGÚ, Munguúhúng nguwa ilaiwawa/iya', nee axweesanoó dabeerí nguwa harmagaahhiya' ooharo.

DABE 31:25

múk tlahhoó Laáwi kudá' sandakmoó alqadór AAKOÓ MUNGÚ loohiís, guri báy,

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

YOSHUA 23:2

Yoshua múk Israeli sleémeero guri dinkwárí ateét, bariiser'ín nee geeraharuuseero nee har'ohuuseero nee múk urene, giri báy, «Hám daxta aníng a aakoó aa ló'wa din,

YOSHUA 24:1

Aluudae Yoshua xoorór Israeli gari ateét baraá yaamaá Shekémúrí ale, dinkwa nee bariiser'ine nee geeraharuuser'ine nee har'ohuuser'ine nee múk urén oo Israeliwo. Nari hardihiyé' dír geeraá Mungú.

YOSHUA 3:14

Muu iri tláy baraá xafay'ín wa ale as yaaér Yordani kawa waaraahhi, nee kaahamuuseedá' sandakmoó alqadór loohiis iri geeraá múk wa tleér.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 3:6

Aluuwo Yoshua kaahamuusér Mungú gari báy, «Sandakmooduú alqadór AAKOÓ MUNGÚ ga koóm gawaá sum'iihúng i qaasaak, nee geeraá muu na wa hi'iimitaak.» Inooín adoodá' Yoshua ngaa báy ngiri tleehhiyé'.

YOSHUA 4:10

Kaahamuuseedár Mungú sandakmoó alqadór loohiis ina sihhmaamít baraá tla/ángw yaaér Yordani wa ale. Tana sihhmaamiít ay qoomár umuú gaaro iwa hhooeér, tidá' AAKOÓ MUNGÚ aa hara'ayín dír Yoshua, as ngiwa hara'ayin dír muu, ar adór muruudá' sleémeero Mose aa hara'ayín dír Yoshua. Muu iri waaraáhh ar gaanslaay.

YOSHUA 4:18

Kaahamuuseedá' sandakmoó alqadór AAKOÓ MUNGÚ loohiis niwa ti'ít baraá tla/ángw yaaér Yordaniro, gangeefír yaae ngiwa kalaa/iyé', ma'aá yaaér Yordani niri wa/iyé' niri hatsiyé' adoodár geera i dirii'iya'.

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»