YOSHUA 8:31 - Biblía Axweesantá Hhohho' ar Mungú 2004

³¹ Yoshua kitángw ilahhooa guna tleéhh ar adoodá' Mose sagadiyusmoó AAKOÓ MUNGÚ ngira oó' dír múk Israeli, nee adoodá' kara gooín baraá kitaábuú dabér Mosewo, iwa kaahi, «Kitángw ilahhooa ku tleehhi ar tlaa/aá taa dakwiiká ar muqsli.» Múk Israeli sleémeero ilahhooár da/a kari haniís dír AAKOÓ MUNGÚ, nee ilahhooár muruú ta tsu/i ar wayda sleeme.

YOSHUA 8:31 Iomraidhean Croise

2 WAAWITÁ 14:6

Ala na/aá mukdá' baabuúwós gwa gaas gaa tsu/iiká, ar adoodá' kara gooín baraá kitaábuú dabér Mosewo, AAKOÓ MUNGÚ iwa kaahi, «Xwaylité ka tsu/iiká asma tlakweemaá na/ii'ín, laqaá na/ii ki tsu/iiká as tlakweemaá xwaylitér'ín, ala umuú hee kun gaas as tlakweemaawós kilós.»

2 WAAWITÁ 22:8

Hilkia kaahamusmoó úr oo Mungú Shafani kuduú goousmo guri báy, «Gám kitaábuú dabe ugwa baraá doó AAKOÓ MUNGÚ wa sláw.» Hilkia kitaábuudá' guri haniís dír Shafani, inós guri soomuús.

2 QOM'I 25:4

Ala na/ii'ín gaa tsu/iiká, as adoodá' kara gooín baraá kitaábuú dabér Mose, tidá' AAKOÓ MUNGÚ iwa kaahi, «Xwayliité ka tsu/iiká as tlakweemaá na/ii, laqaá na/ii ki tsu/iiká as tlakweemaá xwayliité, ala umuú heewo kun gaas as tlakweemaawós.»

2 QOM'I 35:12

Inooín ilahhooár da/a kari partliít ar adoodá' maraá baaba'aá múk hatlá' ii dirii'iyá', as ngiwa AAKOÓ MUNGÚ i haniisiya' ar adoodá' kara gooín baraá kitaábuú Mosewo. Tam awe sleeme kana adoorí /iís.

ESRA 6:18

Nee inooín kaahamuuse kari qaás baraá gadiyér Mungú, nee múk tlahhoó Laáwi kuna qaás baraá baalaqaasir'ín, as gadiyér Mungú baraá Yerusalemuro, adoodá' kara gooín baraá kitaábuú Mose.

NEHEMIA 13:1

Bál deeloodá' ure kitaábuú Mose kuna soomuús dír muu sleémeero, kari xuú' adór múk Amoni nee oo Moabu ir harinká dahmuú baraá dinku'uumár múk Munguhe.

TI'INAANGW 18:12

Yetro, taatoó harér Mose, ilahhooár da/a nee ilahhooár muruú ta tsu/i garí haniís dír Mungú. Aroni iri hardáh dinkwa nee bariisér Israeli as tawa al/ayin nee Yetro dír geeraá Mungú wa ale.

TI'INAANGW 24:5

Naagáy masoombár Israeli gari ya/aáw as AAKOÓ MUNGÚ kuwa ilahhooár da/a/ángw i haniisi, nee awér ta ilahhooár wayduú wa haniisi ngiwa tsu/iya'.

Matayo 12:26

Nee Neetlaangw bir Neetlángw hingeemiis, inós ti kilós duxún. Ala adór waawuti'iimarós ir sihhit a adoomá?

DABE 27:2

Bál yaaér Yordani bara waarahhé', nee tari daté' baraá yaamaá AAKOÓ MUNGÚ, Munguúhúng ni haniisi, tlaa/aá uren ki sihhá' nee ki daandeemo ninkiritsá'.

DABE 27:8

Gawaá daanduú tlaa/eedá' taa ninkiritsi axweesanayduú dabe sleémeero gooiro geehhooeesa hhe'eesaak.»

YOSHUA 1:8

Kitaábuuwí oo dabe umuú qoomaaro soomuuseek. Nee intsaatsahheek tlatla/aangw nee xweeraawo, ala gár taaqo gooini baraá kitaábuuwí ale boo/eeseek. Daqaní kuúng amohhooa a sleér nee diihhooa baraá hotangoge.