YOSHUA 8:23 - Biblía Axweesantá Hhohho' ar Mungú 2004

²³ Waawutmoó Ai slaqwaruusér Israeli guna ót kuri slafi huúw amór Yoshua.

YOSHUA 8:23 Iomraidhean Croise

YOSHUA 10:17

Yoshua kuri báy, «Waawitaádá' kooán kwaa sláy naa nahhaatiyé' baraá mar'ír Makeda.»

YOSHUA 10:22

Yoshua iri oó', «Mar'i kisaak, waawitaádá' kooán duuxare', amor'eénií huwaare'.»

YOSHUA 8:22

Mukduú Israeli aa baraá gixsár Ai dah, nee asla gaa qaas, inooín sleeme nay haratla/uú ayé' kiri haraweél, múk Ai kuri tsuú/ sleémeero. Hee tumu wák oo aa meet i kaahh baraá tla/angw'ine.

YOSHUA 8:24

Múk Israeli muu sleémeero oo Ai tsu/utaro nguwa hhe'eesiyé' dír tsee/aá /awaák wa alé, inooín nay ki/iyé' baraá gixsár Ai. Mukdá' aa meet kuri hhaamiís ar paánga.

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

1 SAMUELI 15:8

Agagi waawutmoó múk Amaleki guna slafi óh, ala múk hatlá' sleémeero guna hhaamiís ar paánga.