YOSHUA 8:2 - Biblía Axweesantá Hhohho' ar Mungú 2004

² Adoodá' kuúng taa tléhh dír múk Yerikór i alé, an adór kuúng ta tlehh dír múk Ai nee waawutmooín. Haasaáng ku koohúng tlehhá'. Gixsar'ín haramaamahhataak, amór alaá gixsa nar oohaak.»

YOSHUA 8:2 Iomraidhean Croise

2 QOM'I 13:13

Ala qoomaarihe Yeroboamu slaqwaruuse bahh'alé gana ya/aáw as slaqwaruusér Yuda kawa aluú wa haramamahhati, slám slaqwaruuse tooka i geerií dirí'.

2 QOM'I 20:22

Qoomár daa'aangw kuwa iimu/ún, nee xirfayeemisuuwo, AAKOÓ MUNGÚ slaqwaruuseedár Amoni nee ar Moabu, nee ar tloomár Seirír daahh, tidá' naa haratleer amór múk Yuda, gari amoqwaareés, slaqwara ngiri harslaaqatiyé'.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

AXWEESANOÓ SAGALOOA 13:22

Heé hhoó' aali gan haniis dír nángw naangós, Ala daqaari'iimár heé tlaákw kaa amohhe'eés as múk hota ganaá'.

AXWEESANOÓ SAGALOOA 28:20

Heé inkihhimuú koóm tsuuqaá yaariir gi sláy, ala heé daqaari'iitár slaá' ar gaanslaay muxtaaro ku pa/asiiká.

YEREMIA 17:11

Heé daqaari'iima gaa slay ar loohír gana'aaká, a adór xooymoó qanhhár aa qanhhusiiká gaa umtór ay. Daqaari'iimarí gun afa bá/ qoomár tla/a tsara birnga áy, alhhe'eesaywo iri daktu'uut.

YEREMIA 51:12

Bendeérár slaqwara gáwtí tleesaak ar Babuloni kawa i haraatleera'. Xuuma /uuru ti doge'. Xuumuuse qaasaak, múk haramamahhamit amohhe'eesaak. Asma AAKOÓ MUNGÚ muruuwí tsaraawo gun tleehh, kudá' aa qoomeés gun boo/ees daanduú yaamuloouusér Babuloniro.

DABE 2:35

Muruú taa haasaáng wa huwaán a hikwa nee daqaari'iimár taa baraá gixsár i awaán.

DABE 20:14

Ala /ameena, nee na/ii, nee hikwa nee mura' sleémeero kudá' baraá gixsár i dirií' haasaáng tiwa ar tleere' as tawa koohúng. Muruuduú wakuuserhúng /ayaak, kudá' AAKOÓ MUNGÚ, Munguúhúng naa haniís.

DABE 3:2

Ala AAKOÓ MUNGÚ ina báy, ‹Mu da'ayumiitaar, asma ngwaa qaroó haniís gawaá dabaawók, inós nee mukós sleémeerowo dinkwa nee yaamuuwose. Kuúng inós un adór Sihoni tléhh, waawutmoó múk Amori kuduú Heshboni.›

YOSHUA 10:1

Adoni-sedeki, waawutmoó Yerusalemu, gana axaás adór Yoshua gixsár Ai ngira hayóh, gari hhitín nee waawutmowós guri gaás. Adoorí an adór aa tleéhh sleeme dír gixsár Yeriko nee waawutmoowose. Inós sleeme gari axaás, adór múk Gibeoni al'axweesantá wayda ngira kaahiyé' nee múk Israeli tawa alhooti.

YOSHUA 10:28

Yoshua nee slaqwaruuseerós niri kumiitiyé' slaqwaraaro, gixsár Makeda ngiri hayoohiyé' nee waawutmoowós kway gaás, múk baraá gixsadá' sleémeero kuri tsuú/. Waawutmoó Makeda kuna gaás adór kuduú Yerikór wa alé.

YOSHUA 11:14

Múk Israeli xosluudá' na baraá gixsadií ayé' nee hikwaawo ngiri haasaáng wa ar tlayé'. Ala muu sleémeero kuna tsuú/, tam heé wák oo ta slafíngwí geexáy i kaahh.

YOSHUA 6:21

Umuúqo gaaro baraá gixsaro kana hhaamiís, hhaawaate nee /ameenaaro, tam masoomba nee bariiseero, hikwa nee bee/aangw nee daqwaayeero, sleémeero kina tsuú/ ar paánga.

YOSHUA 8:12

Yoshua múk kume kooán guna giirór wa luú/ bihhaá /uwa awa gixsa, tla/ángw Ai nee Beteli.

YOSHUA 8:14

Waawutmoó Ai adoorí ngiwa ár, inós nee mukós tindiri gaanslár ti'iít amór xatstá Araba as nee slaqwaruusér Israeli tiwa harasihhimiitiya' slaqwaraaro. Ala inós ga xuiika adór gixsarós kingira aluú wa haramaamahhaát.

YOSHUA 8:19

Mukdádá' aa nahhaat Yoshua nguwa ár lawaalarós gaa gáwtí tleés, inooín nina gaanslár ta'aainé' amór gixsár Ai, ngay hayoohiyé', ngiri da/iyé' ar asla.

YOSHUA 8:24

Múk Israeli muu sleémeero oo Ai tsu/utaro nguwa hhe'eesiyé' dír tsee/aá /awaák wa alé, inooín nay ki/iyé' baraá gixsár Ai. Mukdá' aa meet kuri hhaamiís ar paánga.

YOSHUA 8:3

Yoshua slaqwaruuse gari amohhe'eés tawa haratlay Ai. Slaqwaruusér kume mibeeri tám gana tsawaár, gari ya/aáw ay Ai xweeraawo.

YOSHUA 8:7

Kuungá' daqaní ni /akumitá' baraá xwaansláydá' tay nahhati'i, daqaní ta datá' baraá gixsa. Asma AAKOÓ MUNGÚ, Munguúhúng gixsa ngi gawaá dabaahúng i qaas.

YOSHUA 8:8

Kuungá' bara daté' baraá gixsa, gixsa ka da/á' ar asla. Adoodá' AAKOÓ MUNGÚ ngira oó' na tleehhaak, ga/aawaak, adoorí aníng ngaa oó' dirhúng.»

YOSHUA 8:9

Naagáy Yoshua inooín giri báy, «Tlawsé', umuúqo heewo dír nahhatarós ngi leeleehhi.» Inooín tay bihhaá /uwaá áy awa gixsár Ai, tla/ángw gixsár Ai nee Beteli. Ala Yoshua iri deél baraá xafoó Israeli xweeraadae.

YOSHUA 9:3

Ala yaamuloouusér gixsár Gibeoni kangwdá' Yoshua aa tleéhh baraá gixsadaá Yeriko nee Airo kuwa axaás,