YOSHUA 8:14 - Biblía Axweesantá Hhohho' ar Mungú 2004

¹⁴ Waawutmoó Ai adoorí ngiwa ár, inós nee mukós tindiri gaanslár ti'iít amór xatstá Araba as nee slaqwaruusér Israeli tiwa harasihhimiitiya' slaqwaraaro. Ala inós ga xuiika adór gixsarós kingira aluú wa haramaamahhaát.

YOSHUA 8:14 Iomraidhean Croise

DAHARUSMO 9:12

Heé baalaarós ga xuú' i kaahh, aqo adór siyó kur ohaahin gitsa/aá tlaakwe nee baraatsufaay, nee adór tsir/i kar ohaahin nee naqfí, an adór muu kur haraxopiiti ila nee tí, nee qoomár tlaakw.

ISAYA 19:11

Geeraharuusér Soani a daktanár huwisha. Gurbu'uusér sagalooár koom ar Farao gurbu'tá dakatu'uuma gan kát. Alók adór Farao kura beeré', «Aníng a na/oó heé sagaloó' a na/oó waawutmoduú aáng.»

ISAYA 19:13

Geeraharuusér Soani a daktana, nee geeraharuusér Memfisi kaa al/aáy, tla/uudá' sleémeero ta harahhifi baraá tlahh'iiwo, an kudá' múk Misri ngwa geerahariye' baraá qwanaay.

DANIELI 4:31

Qoomár iwa axweesantí kaahi, afo ina ilaawáts gawaá doorí wa aleeró, i kat, «Aá waawutmo Nebukadnesa, tí án ni kah iiárí qaaseek, waawuti'iimarók ka hayoh.

Matayo 24:39

Gár taa tsaáhh i káhh daanduú tidá' aa tleehharuti ay qoomár ma'aay niwa wa/iyé', muu sleémeero nguri hayoohiyé'. Adoorí an adoodá' tleehharuut bál hardahamuú Garmoó Heewo.

Matayo 24:50

Sagadiyusmoodá' ku adoodí áy nee aakoowós baalaadá' nee siiwadá' i xuiiká.

DABE 1:1

Axweesantá taa gooín baraá kitaábuuwí a axweesantadá' Mose aa káh dír múk Israeli sleémeero, qoomár inooín tawa baraá darmuú bihhaá da/aáw oo yaaér Yordani. Inooín tawa baraá xatstá Yordani dír isaapoó Sufu, tla/ángw gixsár Parani nee gixsár Tofeli, nee Labani, nee Haseroti nee Disahabu.

YOSHUA 8:13

Slaqwaruusér yaariir kana qaás bihhaá /iya awa gixsa, nee bartá hatlá' ar aa met kana qaás bihhaá /uwa awa gixsa. Yoshua xweeraawo iri qaát baraá xatsa.

YOSHUA 8:15

Yoshua nee múk Israeli sleémeero nari guwiyé' kwaáo' kina baál, tay ta'aaín ay amór yaamaá gwa/aatá'.

YOSHUA 8:16

Múk gixsár Ai sleémeero, Yoshua nee mukós kiri aluú wa guús, inooín karir goów nay saweesiyé' dír gixsár Aiwo.

YOSHUA 8:5

Aníng nee mukdá' ti alkoomá' a tseewuwaán amór gixsa. Inooín birtinda ti'iít adoodár geeraá wa ale, atén an geeraaín wa guwaán, inooín atén tiri aluú wa alta'ainá', atén ngiri ar guwaán ay dír ki ar saweesaan dír gixsaro.

2 Petro 2:3

Inooín ta haats ilatleerír peesaaro. Lameemá tawo kin tawó tlaaq as peésa ngiwa slaya' dirhúng wa ale. Ala iimír aange sakwasleemar'ín kaa qaroó tsaát, nee inooín amór i kaya' a baraá qwanaay.

HAR'OHUUSE 20:37

Kudá' baraá giirór diriiá' niri gaansluutiyé' gixsár Gibea kay haraadáh, muu kuri hhaamiís ar paangadu.