YOSHUA 8:1 - Biblía Axweesantá Hhohho' ar Mungú 2004

¹ Naagáy AAKOÓ MUNGÚ Yoshua guri báy, «Kuúng ma da'ayumiitaar laqaá ma hhaslitaar, slaqwaruuse amohhe'eeseek. Daqaní ta tleerá' ay Ai, ga/aaweek, aníng waawutmoó Ai nee mukose nee gixsarose nee yaamuuwose ngaa dabaawók i qaás.

YOSHUA 8:1 Iomraidhean Croise

WARA'AMI 27:1

AAKOÓ MUNGÚ an gwa/aateemaaeé' nee ba/amar'eé', heé ni daimiit a heemá? AAKOÓ MUNGÚ a baqmór slafingw'eé', heé ni xuruumiit a heemá?

WARA'AMI 44:3

Mukók yaamu gaa hayohiiká ar xooslaá slaqwara, tam baali nga slay'iiká ar /uuruuín, ala nina baaliné' ar /uuruuwók, nee as kuúng tawa dinkwa nee inooín nee kiwa sla'.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

YEREMIA 46:27

Ala Yakobo sagadiyusmooeé', kuúng ma da'ayumitaar, tam kuúng Israeli ma amoqwaqwadimaar, asma aníng kuúng u ba/amís amór saáw wa ale, nee xwaylarók a ba/amís baraá yaamuudá' kay ar tlayi. Yakobo kuúng a kí/, nee tari amohhooár hót, tari yaandahhe'és tam gar u dae tlaaq i káhh.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

DABE 1:21

Ga/aawaak, AAKOÓ MUNGÚ, Munguúhúng, yaamuuká' ngaa qaás dír geeraahúng i aleeró. Gimsé' yaamu oohaak, aalaak adoodá' AAKOÓ MUNGÚ, Munguú baabi'iihúng ngira oó'. Mada'ayumiitaara' laqaá ma amoqwaqwadiimara'.›

DABE 31:8

AAKOÓ MUNGÚ kuungá' nun geerahaar. Inós nee kuungá' a dinkwa. Inós i surukiiká dirhunge, laqaá nu geexayká. Mada'ayumiitaara', laqaá ma amoqwaqwadimara'.»

DABE 7:18

Mi da'ayumiitaara', inslawaak adoodá' AAKOÓ MUNGÚ, Munguúhúng aa tleéhh dír Farao nee yaamu sleémeero awa xoorór Misri.

DABE 7:21

Gimsé', mi da'ayumiitaara', asma AAKOÓ MUNGÚ, Munguúhúng i baraá tla/angwhúng i dirii'. Inós an Munguú úr nee kudá' dae tlaaq.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 10:7

Ala Yoshua miguusér slaqwarár ló'wa xuu' sleémeero gari dinkwaárií ateét, nee slaqwaruusér hatlá' sleeme, tay tláy amór Gilgalír wa alé.

YOSHUA 10:8

AAKOÓ MUNGÚ Yoshua guri báy, «Ma baloó da'ayutaar as inooín. Asma aníng inooín ngaa qaroó gawaá dabaawók i qaás. Heé kuúng u harasihhiít i kaahh tumu wák.»

YOSHUA 2:24

Yoshua nguri bayé', «Atén aga tsaahhaán adór AAKOÓ MUNGÚ yaamuudá' sleémeero ngira dír atén i haniís. Slám yaamuloouuse sleémeero ar baraadá' hoot hor/i gina eér as atén.»

YOSHUA 6:2

AAKOÓ MUNGÚ Yoshua guri báy, «Aníng gixsár Yeriko ngi gawaá dabaawók i qaás, nee waawutmoowós nee slaqwaruuseerós sleémeerowo.

YOSHUA 7:9

Múk Kana'ani nee muu sleémeero oo baraá yaamuudá' i dirií' kaangwí bur ngwa axaasiyé', atén tin harweeriyá' tiri hhaamiis, aluuwo daqaní kuúng adór umuuwók kudá' xiríf kur iiatleeres?»