YOSHUA 7:9 - Biblía Axweesantá Hhohho' ar Mungú 2004

⁹ Múk Kana'ani nee muu sleémeero oo baraá yaamuudá' i dirií' kaangwí bur ngwa axaasiyé', atén tin harweeriyá' tiri hhaamiis, aluuwo daqaní kuúng adór umuuwók kudá' xiríf kur iiatleeres?»

YOSHUA 7:9 Iomraidhean Croise

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 48:10

Aá Mungú, umuuwók aa xu'utiít, ku xirfayeemiis baraá yaamu sleémeero. Dakók oo doó /iyayhe an baaliliín.

WARA'AMI 79:9

Na'ás Mungú, ba/amusmoorén, atén ti ba/amis as xirfuú umuuwók, tlakweemaarén gurtlaweek ar umuuwók.

WARA'AMI 83:4

I kaahiya', «Qwalaas, xooror'ín a hhaamisaán, masók umkuú Israeli ku inslayká!»

WARA'AMI 83:5

Taa kaahi slayé' ar muunuú wák, nee tiri dabe oohiyé' as tiwa tlaampa'aasiya' nee kuúng.

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

FAARO 14:13

Ala Mose AAKOÓ MUNGÚ guri báy, «Kuúng mukwí una dúx baraá yaamaá Misrír wa ale ar /uuruuwók. Múk Misri adoosíng mukók kway tlehh birnga axaás,

Yohana 12:28

Baabá, kuúng umuuwók xirfayeeseek.» Aluuwo afo niri gawaá doorií wa ilaawáts, ar kah, «Ugwa xirfayeés, nee hám u malé xirfayeés.»

DABE 9:28

Múk amoodá' atén tiwa dúx matawa oó', AAKOÓ MUNGÚ mukdá' guna duúx baraá yaamuudá' wa aleeró as nguwa tsu/utár ay baraá xaanxaay, asma gaa aleeslayká ngiwa dahaasi baraá yaamuudá' inós aa al'axweés, nee as mukdá' nguwa ló'wa aáhh.›

YOSHUA 7:10

AAKOÓ MUNGÚ Yoshua guri báy, «Ahaá waáy, masa yaamií gwangwara'át giti kari yaamúr ót? Sihhiít!

YOSHUA 7:8

Xáy Aáko, aníng gár ni oo' a milá múk Israeli barnaxés taa goów geeraá wakuuser'ín wa alé?

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.