YOSHUA 7:6 - Biblía Axweesantá Hhohho' ar Mungú 2004

⁶ Yoshua nee bariisér Israeli tlabaaín ngina feehhamisiyé' as gurhaami, inooín tari gwangwara'amiít dír geeraá sandakmoó alqadór AAKOÓ MUNGÚ. Nina didá' wa iwaawitiyé' ay tsiindo, slám sager'ín ngaa teerírí qamaaminé'.

YOSHUA 7:6 Iomraidhean Croise

IIMU/UUNGW 37:29

Reubeni iwa kií/ amór hhalaangw, laatí Yosefu i kaahh baraá hhalaango. Inós tlabaawós giri feehhamiís as gurhaami.

IIMU/UUNGW 37:34

Yakobo tlabaawós giri feehhamiís, guniyadu giri tsiít, iri tsuunqumiís, garmaawós kudá' guri al/aa/amín deelór yaariire.

2 SAMUELI 1:11

Daudi tlabaawós giri óh, giri feehhamiís. Mukdá' nee inós dinkwa tlabaaín sleeme ngiri feehhamisiyé'.

2 SAMUELI 1:12

Tari tsuunqumiís, tari /aa/amín, inooín tari gwaawín ay tsiindo, asma Saulo nee garmaawós Yonatan, nee múk AAKOÓ MUNGÚ, nee múk Israeli oo yaariír kuwa tsuú/ ar paangadu.

2 SAMUELI 1:2

Bál tám iwa xeér, heeko wák oo amoodár kitángw slaqwaruusér Saulo i dirií', ina hardáh dír Daudi. Iri tumbarara'aát geeraá Daudi, guri xirfayeemiís. Heewí tlabaawós kinga feehhamamiís, nee sagós i teerír kón.

2 SAMUELI 12:16

Daudi Mungú guna firaarín as na/aay tsiní ngiwa slay. Iri gwaawín, ina dáh baraá kutuwirós, iri qaát yaamií ale iimír xweera ay iimi garwa /awakuúr.

2 SAMUELI 13:19

Naagáy, Tamari da/ara gari slík gawaá sagós, hiyaywós kudá' guri feehhís, dabaawós giri qás gawaá saga, iri tleér i haratseeamiín /aa/eewo.

2 SAMUELI 13:31

Waawutmo Daudi iri sihhiít, gurhamiro tlabaawós giri feehhamiís, iri gwangwara'aát yaamu. Tam sagadiyuuseerós tidá' dír bihhiwós wa sihhmiit, tlabaaín giri feehhamís sleeme.

2 WAAWITÁ 22:11

Qoomár waawutmo kangwdá' Shafani aa baraá kitaábuú dabér wa soomuús nguwa axaás, tlabaawós gina feehhamiís.

2 QOM'I 34:19

Qoomár waawutmo /ayma'aá kitaábuuduú dabe ngiwa axaás, tlabaawós gay feehhamiís.

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

NEHEMIA 9:1

Bál slahhangwduú kilá' tawa mibeeri tsár nee tsiyáhh, múk Israeli tari burumburiít as tawa gwaawin gunaydu ngaa tsiitiyé' nee sage kari hhapeérár slikín.

ESTA 4:1

Qoomár Mordekai muruudá' aa tleehharuut nguwa xuú', tlabaawós giri feehhamiís, guniyadu giri tsiít, tari sliík ar da/ara, iri waaraáhh ar baraá tla/ángw gixsa, /aa/eewo iri gáwtí tseé'.

ESTA 4:3

Slám umuúqo diiro baraá ayko hara'ayár waawutmo iwa hardát, slahh'amuú úr xoorór Yahudi guri sleér, tari gwaawín tari /aa/amín nee tari tsuunqumiís, tam múk yaariír guniyadu giri tsitiít nee tari qaqatín baraá da/ara.

YOBU 1:20

Aluuwo Yobu kaangwí sleémeero nguwa axamaamiís, iri sihhiít, tlabaawós giri feehhamiís, se'eengós nee daamoórose giri deéqw as tsuunqumis, iri yaamií huú' ar gura', Mungú guri sluufiís.

YOBU 2:12

Nguwa amooqá' saáwá ariyé' ngwa tsaahhi'iiká, nina /aa/iyé' ar afór ur, tlabaaín ngiri feehhamisiyé', nee hhape ngiri gáwtí kwakwahhiyé', nee gawaá sager'ín, as gurhaamír ur.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

FAARO 14:6

Yoshua garmoó Nuni, nee Kalebu garmoó Yefune, kudá' dawá' baraá tla/ángw mukdá' yaamu gaa tsawtsawuusár ayi, tlabaaín ngiri feehhamisiyé',

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

Tlehhema'aá ya/Abuuse 14:14

Qoomár Barnaba nee Paulo kaangwí kuwa axaás, inqwaruuín kuri feehhamiís, tari ta'aaín, tari dáh baraá tla/ángw boo/aydá', ta tsimahhuus, ta kaahi,

YOSHUA 7:7

Yoshua iri firín, iri oó', «A tsaxwaarén, xáy Aakoó MUNGÚ, gár atén tisa waarahhás Yordaniro a tin hanísa dír múk Amori as tiwa xooro qwaareesi? Tsiní bar geeraawo aga meetaán gayuú yaaér Yordani.

Geehhoeemaá 18:19

Hhape kari kwakwaáhh gawaá sager'ín i aleeró, tari /aa/amín ar afór ur nee tari tsuunqumiís, tari oín, «Gixsadá' ur hhiintluuwós ku gawít. Asma muu sleémeero oo miringér koóm ar baraá tlawtá wa hi'iimiit, inooín tana daqaari'iít ar daqaari'iimár gixsarí. Ala hamí ar qoomár niinawe daqaari'iimarós sleémeero aa qwát.»

HAR'OHUUSE 11:35

Yefta ngiwa ár dasiirós nguwa al'eér, tlabaawós gina feehhamiís iwa kaahi, «Dasir'eé', iga gurtlés nee iga slahh'amuú yaariír ar eér, asma aníng lo'o aga /aáy dír AAKOÓ MUNGÚ, slám lo'oorí amohhu'uumaro a aleeslawaaká.»

HAR'OHUUSE 20:23

Múk Israeli tay gáwtí tsa/án tari /aa/amín dír AAKOÓ MUNGÚ ay tsiindo tawa kaahi, «A tlawaána tawa slaqwaan nee hhaeerén awa Benyamini.» AAKOÓ MUNGÚ giri báy, «Tlawsé' slaqwé' nee inooín.»

HAR'OHUUSE 20:26

Xoorór Israeli sleémeero nee muu sleémeero tari tsa/án Beteli, tay tsuunqumiís amoodá' wa ale, tay gwaawín ay tsiindo, nee AAKOÓ MUNGÚ nguwa i /aa/amina'. Ilahhooár da/a, nee ilahhooár wayduuwo kari haniís dír AAKOÓ MUNGÚ.

HAR'OHUUSE 21:2

Naagáy múk Israeli tari tláy ay Beteli dír geeraá Mungú, tari didií iwiít iimír matlaatlér wa tleemu ay tsiindo. Inooín tana tseeamín ar afór ur nee tana /aa/amín ar gurhaami.

1 SAMUELI 4:12

Heeko wák oo tlahhoó Benyamini ina tiaaín baraá tla/ángw slawtadár slaqwarár wa ale, iri ti'iíngwár hardáh ay Shilo baalaadár kilae, inqwaruuwós naa feehhamamiít, nee sagós aa teerumamiít.