YOSHUA 7:26 - Biblía Axweesantá Hhohho' ar Mungú 2004

²⁶ Inooín ufuú tlaa/e ngway gawaawósií burumburiyé'. Ufuduú tlaa/e i deer tam ay laarí. Aluuwo AAKOÓ MUNGÚ mune gay guú/. Nee didaádá' kari báy xatstá Akori tam ay laarí.

YOSHUA 7:26 Iomraidhean Croise

2 SAMUELI 18:17

Absalomu kurír tláy kuri kwaáhh baraá bohóngw úr oo baraá gara. Bohongwdá' kuri tlaa/aá yaariír i burumbuúr. Múk Israeli sleémeero tari goów, umuúqo heewo amór do'ós.

2 SAMUELI 21:14

Aluuwo Daudi nee mukós fadaá Saulo nee garmaawós Yonatan kina foól baraá yaamaá Benyamini, amór Sela, baraá /aantár Kishi baabuú Saulo. Umuuqo gár waawutmo aa ooi kana tleéhh. Alaá kaangwihe, Mungú firór kángw yaamuuín gari iiári qaás.

2 QOM'I 29:10

«Hamí daxta, aníng aga tsabiím baraaeene alqado kawa ooaan dír AAKOÓ MUNGÚ, Munguú múk Israeli, as buhhtaawós mindiwa ki/iyé' daanduurene.

ESRA 10:14

Ala geeraharuuseerén i met baraakaá Yerusalemu as daanduú muu sleémeero as kaangwí kuwa axweesi daqaní muu sleémeero baraá gixsaduurene, kudá' /ameenár xoordaá hatlá' gaa duxuut, ni hardihiye' afi qoomaadá' taa qaasi, slamí dinkwa nee bariisér umuúqo gixsa nee har'ohuuseero, ay dír buhhtaá xaraaslá' awa Munguúrén ni tsauya', kaangwí i faaki.»

WARA'AMI 85:4

Atén ti qwats, aá Mungú, ba/amusmoorén, buhhtaá ta koon daandeemoorene hingeeseek.

TI'INAANGW 32:12

Ahaá waáy, gár múk Misri tas ooi, ‹Aáng gár tlaakw gana qo qoomeés daanduuine, inooín gina baraá yaamuuká' wa duúx as ngiwa tsu/utár ay gawaá tlom'i nee ngiwa hhaamisi gawaá daanduú yaamuwo.› Buhhtaasingá' xaraaslá' maweek, warqáw baraá inslawaysíng tlákw ta koon daanduú mukoge.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

WA/AA/I 3:53

Inooín aníng ina slafi kwahhiyé' baraá bohoongw, iri baraadá' i tuntuukiyé' ar tlaa/e.

HOSEA 2:15

Aníng qamuuwós awa sabiíbu ngay amoodá' wa haniís, nee xatstá Akori tidá' ta bay slahh'amaaye tari harahhifoorós. Inós aníng iri ya/aán ar adoodá' aáng ngira sa'axweés tawa /amaatliito'o, nee adór qoomaadá' niwa ti'ít Misrír wa ale.

HOSEA 2:17

Umér munguiidá' ta bay Ba'ali qoomaadae a hingeés gawaá afkose, kiri baloó ooiiká.

Yoeli 2:13

Tlabaahúng mi feehhamisaara', ala munerhúng na warqeesaak.» AAKOÓ MUNGÚ, Munguúhúng, na i waya'aak, asma inós ku gurhhoó', slám i gurtleemuú kón, ku inslahheeká buhhtaawo, i haats sla'aarír warqawaakahe. Tam sakwasleemadá' aa oó', ga ya/án meemuwo.

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

YONA 1:15

Naagáy Yona kuri óh, kuri kwaáhh baraá tláwtí alé, nee tlawi iri tsék.

SEKARIA 6:8

Naxés aníng iri ateét, iri báy, «Ga/aaweek, farsuudá' aa yaamaá bihhaá /iikú xuu', buhhtaá Aakoó Mungú ngaa tsaeesiyé' amór yaamaá /iikó.»

FAARO 25:8

nee heé aáng oo Israeli guri aluúwaá eehár ay baraá heéma, tsaraawo giri gur'e dinkwárí muút ar lawaala, hhawaatuduú Israeli nee /ameenidae. Tiqtidár pu/i ar múk Israeli gwa hhaamiis iri fák.

DABE 13:17

Umuú gaaro ar taa daá/ ma taatahhara' dabaahunge as kahhó' AAKOÓ MUNGÚ buhhtaawós kudá' xaraasla' ngiwa may, nee kuungá' nuwa gurtlay. Nee ar gurtleemuwose kuungá' nuwa tlahhasi, ar adoodá' ngira lo'ór wa /aáy dír baabi'iihúng,

DABE 13:18

inós adoorí gan tleehh barnaxes kuungá' afór AAKOÓ MUNGÚ, Munguúhúng aga iialooeesé', hara'ayaarós sleémeero kari oté', tí laarí ni kuungá' babaw nee adór qoom bara tlehhé' dír geeraá AAKOÓ MUNGÚ, Munguúhunge.»

YOSHUA 10:27

Qoomár tsiindi iwa darat, Yoshua iri oó', «Tu'uuqá' aweerisaak ki kwahhá' baraá mar'idá' nay nahhaatiyé'.» Mukdá' adoodá' Yoshua ngaa báy kari tleéhh. Tlaa/aá uren kay qaás gawaá afkú mar'idá'. Tlaa/eedá' i didá' tam ay laarí.

YOSHUA 7:24

Aluuwo Yoshua nee múk Israeli sleémeero Akani garmoó Sera nguri oohiyé', nee muqslaadá' /awak ar ta peésár ar tlehhahhiti, nee tlawuudá', nee sahaábu, nee na/iiwós awa daaqaay nee awa dasuuwo nee hikwaawose, nee bee/aangose, nee daqwayeerose, nee heémarose, nee umuúqo gaarós tidá' i kona, kiri huúw baraá xatstá Akori.

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.