YOSHUA 7:25 - Biblía Axweesantá Hhohho' ar Mungú 2004

²⁵ Yoshua iri oó', «Xáy, asma milá, kuúng gár slahh'amu ngusa húp baraá tla/angwréní alé? AAKOÓ MUNGÚ slahh'amu ngu dirók i huuw laarí.» Akani kuri tlaquút ar tlaa/e nee múk Israeli sleémeero, kuri gaás. Múk do'ós sleeme kuri tlaquút ar tlaa/e, kuri tsuú/ nee kuri daá/ ar asla.

YOSHUA 7:25 Iomraidhean Croise

IIMU/UUNGW 34:30

Yakobo Simeon nee Laáwi giri báy, «Iga slahh'esé' iwa heé tlaákw tlehhé' baraá tla/ángw múk ayaawihe, múk Kana'ani, nee múk Perisi. Aníng muk'eé' ku niiná, birta i burumburiít, tin muux, án nee múk dooeene tiri qwaarees.»

IIMU/UUNGW 38:24

Alaá slahheeraá tám niwa waarahhiyé', Yuda kaangw gway axaás tawa kaahi, «Harér garmaawók Tamari aa fuqús, nee tsiihaay gwaa sleér.» Yuda iri oó', «Tsee/áy duuxaak, da/aak.»

1 QOM'I 2:7

Garmoó Karmi a Akari, kudá' múk Israeli gwaa baraá slahh'amií dahaas asma muruudá' taa marandó wa sláy taa paraátl as Mungú guna qawti ar waátl amór do'ós.

AXWEESANOÓ SAGALOOA 1:19

Adoorí an adór lohaá múk daqari'iimár ilatleeruús i dirii'iya'. Slafingw'ín kudá' i kona' ngun qwaareesiyá'.

AXWEESANOÓ SAGALOOA 15:27

Heé slaasláwár ilatleeruús ar loohír gana'aaká, múk do'ós gu baambeeúy, Ala heé slukuma ga sla'aaká i hoot.

TLAHHOÓ LAÁWI 20:14

Bar hee hare gaa duúx, nee aayór hare gay duúx, adoodá' ka slasla/aar. Inooínaaká tamaawo gár kiwa hariím a kin daa/ ar asla, asma gár slasla/aar ngaa tleehhiyé'. Adoorí an tlehhitá' as slasla/aruuwí kuwa ila/a' baraá tla/angwhunge.

TLAHHOÓ LAÁWI 20:2

«Umuúqo heewo baraá xoorór Israeliwo, laqaá hoomtuú baraá tla/angw'ín hoota, bar na/aywós gwaa ilahhooár wa haniís dír munguú ta bay Moloki, gár heedaádá' kuwa hariím a gaasa, xoorór didá' gun tlaa/ér tlaqút ay dír i gwaai.

TLAHHOÓ LAÁWI 21:9

Dasír kaahamusmoó Mungú bira tsaatuso'o tleehhít, gár kawa hariím a kan daa/ baraá asla, asma baabuúwós gwaa slasla/arés.

TLAHHOÓ LAÁWI 24:14

«Masoomoosíng aníng iga /ooslín, tsee/aá xáftí duuxeek, nee mukdá' sleémeero gwaa axaas iwa án /oosliislin dabaaín ngi qaasiye' gawaá sagós, nee xooro sleémeero ngu tlaqut ar tlaa/e ay dír i gwaai.

Galatia 5:12

Ala mukwí kuungá' nu tlaahhír i qamiím, alók masók tin kilooín tuu'utiyá'.

DABE 13:10

Tlaa/e tir tlaqute' ay dír i gwaai, asma inós i múk amoqwaaremiis dír AAKOÓ MUNGÚ, Munguúhúnge, kudá' kuungá' naa baraá lawaali'iimár yaamaá Misrír wa duux.

DABE 13:11

Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 17:5

daqaní heesíng laqaá /ameenisíng duuxaak baraá gixsaaro, nee ka tlaqutá' ar tlaa/e ay dír i gwa'.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

2 Tesalonike 1:6

Mungú gan'amu gun tleehh. Mukdaádá' kuungá' naa slahh'eemiis, inós gun slahh'eemiis as tawa bu'utuuín.

Ebrania 12:15

Ga/aawaak, hee tsuuqaá Mungú mingiwa sií'. Nee magoót miwa deerút baraá tla/angwhunge, nee nuri hhitiín. Asma magór adoorí ga aleesleér múk yaariír nguwa qárkwií qas.

YOSHUA 6:18

Ala kuungá' ti harmagahhe', gaa ló' ma baloó taatahhara' baraá muruudá' ta hhitina, as kahhó' xafoó Israeli kuwa hhitinká.

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

1 SAMUELI 14:29

Yonatan iri oó', «Baabuúeé' muu gwaa slahh'amuúr faák. Qaytsité' adór ilaaeé' nira qaytsitiyé', asma danú niiná nguwa maáhh.