YOSHUA 7:2 - Biblía Axweesantá Hhohho' ar Mungú 2004

² Yoshua muu guna ya/aáw amór gixsár Yerikór wa ale ay amór yaamaá Ai, gixsadár bihhaá da/aáw awa Beteli, ar iisaapoó Bet-aweni, inooín giri báy, «Tlawsé' yaamuudá' tsawtsawuusare'.» Inooín tari tláy gixsár Ai ngiri tsawtsawuusiyé'.

YOSHUA 7:2 Iomraidhean Croise

IIMU/UUNGW 12:8

Abramu iri didá' wa tláy, iri hardáh ay yaamaá goongoama bihhaá da/aáw awa gixsár Beteli. Heémarós gari didií kikií', gixsár Beteli i bihhaá /uwa, nee gixsár ta bay Ai i bihhaá da/aáw. Kitángw ilahhooa guri tleéhh, umuú AAKOÓ MUNGÚ guri ateetín baraá firoorose.

IIMU/UUNGW 28:19

Didá' gay báy Beteli, ala umuú gixsadá' geeraawo a Lusu.

1 WAAWITÁ 12:29

Slaqsoó wák guri qaás gixsár Beteli, nee oo tsár guri qaás gixsár Dani.

NEHEMIA 11:31

Múk tlahhoó Benyamini Geba ngina hootiyé', nee Mikmashi, nee Ai, nee Beteli nee ayeemaá ngaa harweeriye'.

AXWEESANOÓ SAGALOOA 20:18

Muu birti gurbu'ún, mura' qoomesa ga ya/án iwa tleehharuti. Slaqwara kawa eera gurbua ala slaweek.

AXWEESANOÓ SAGALOOA 24:6

Asma múk taa sagalooárár geerahaár baraá slaqwaraaro i baaliná', nee gurbu'úngw yaariír muu gu tuu/.

ISAYA 10:28

Wakusmo naa Rimoni wa tláy, aa hardáh Ayati, aa waaraáhh ar baraá tla/ángw Migroni, huwaawós gaa qaás baraá Mikmashi.

YEREMIA 49:3

«Múk Heshboni, tsuunqumisé', asma gixsár Ai ka hhaamiis. Ala kuungá' dasuú Raba, /aa/amiimé', guniyadu siinootaak. Tsuunqumisé' nee tii'iimé' amorqá' nee tiqae baraá afeenarhunge. Asma munguú dá' ta bay Milkomu ku huuw baraá loohaay dinkwa nee kaahamuuseerose nee sagadiyuuseerós.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Efeso 5:15

Gawaá adoorihe, adór baraá slafingwhunge tar hota' alqaytsitaak. Ma hootara' adór múk daktanár ar alé, ala masók a adór múk sageeloén.

YOSHUA 12:9

Múk Israeli waawituú gixsaduuká' guri baál, oo gixsár Yeriko nee oo gixsár Ai tidár iisaapoó Beteli.

YOSHUA 18:12

Bihhaá /iiko digmuuín a yaaér Yordani, gixsár Yeriko ngari /iikú wa óh, iri ti'iít baraá yaamaá tlom'i baskú wa alé, iri hardáh ay xaanxoó Bet-afeni.

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 7:3

Inooín niwa ki/iyé' amór Yoshua ngway bayé', «Gár muu sleémeero is daawiiti daqeemuuwo i káhh, hhawaataá daqawá' masók a har afiqoomár kume tsár laqaá tám, gixsár Ai kawa i haratlay, asma múk gixsár Ai ku ureeká.»

1 SAMUELI 13:5

Xoorór Filisti tana burumburiít tawa slaqwi nee xoorór Israeli, slaqwaruusér faras gwa i tsa/aan a kume lahhoó', nee slaqwaruusér gaardaá faras gaa i tsa/aan a kume mibeeri tám, nee slaqwaruusér ya'ár hi'iit yaaremaawo a adór hhasángw afaá tlawi. Tari waatláy gáwtí ale, xafay'ín kuri tleéhh baraá Mikmashi bihhaá da/aáw awa Bet-afeni.

1 SAMUELI 14:23

Adoorí an adór baalaadae AAKOÓ MUNGÚ múk Israeli ngura tuú/. Baalaadae slaqwara ina kumít, iri waaráhh Bet-afeniro.

1 SAMUELI 30:27

Qeemuwí oo múk Beteli nee oo múk Ramotír Negebu, nee oo múk Yatiri,