YOSHUA 7:15 - Biblía Axweesantá Hhohho' ar Mungú 2004

¹⁵ Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

YOSHUA 7:15 Iomraidhean Croise

IIMU/UUNGW 34:7

Qoomaadár kilae daaqoó Yakobo nina baraá de'éngw wa waátl. Kaangwí nguwa axaasiyé', tana ló'wa gurhamuút, tana buúhh, asma gaarí ka alsi'ím dír múk Israeliwo ar dasír Yakobo kawa /uurúr óh, kari dasu'uuma hhitín. Asma gaarí a gár ta waki ló' wa ale.

2 SAMUELI 13:13

Barte'eene alsi'imuú adór kwisinge amór ni ti'iit? Nee bartoge, kuúng tari daktantá wák baraá daktanár múk Israeliwo. Xaa na'ás, axweesantisíng ooeek dír waawutmo, daqaní inós i si'iiká án kuúng iwa dux.»

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.

YOSHUA 7:16

Aluuwo Yoshua matlaatlér boo/e iri tseewa ti'iít, xoorór Israeli gari dinkwárí burumbuúr, tlahhi'i gina wakeetín, nee tlahhoó Yuda guri óh.

HAR'OHUUSE 20:10

Atén múk mibaangw un tsawaaraán baraá umuúqo múk tsiiruú wake, baraá tlahh'aá Israeli sleémeero. Nee múk tsiiruú wák un tsawaaraán baraá umuúqo múk kumuú wake, gadiyér'ín a muu nguwa muruú /aymár i huwiya', kudá' slaqwarár áw amór Gibeár yaamaá Benyamini as li/oó alsi'imuudá' nguwa buiya', nee gadaádá' tlaakw naa tleehhiyé' dír Israeli.»

HAR'OHUUSE 20:5

Hhawaataá Gibea niri haratlayé' dír do'dá' ni deél, do'dá' ngway harweeriyé' bihhe sleémeero qoomár xweeraawo. Nina tsabiné' aníng iwa gaasiya', /ameenir'eé' ngari gaasiyé' ar tsaatu'uumar'ín.

HAR'OHUUSE 20:6

Aníng /ameenir'eé' ngiri taataáhh, ngiri tlaáq umuúqo diqito'ooro, ngiri huúw baraá yaamu sleémeero awa múk Israeli, as gár tlaakw ar adór tí naa tleehhiyé', nee alsi'imuú adór kwí baraá Israeliwo.

1 SAMUELI 26:21

Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»