YOSHUA 7:1 - Biblía Axweesantá Hhohho' ar Mungú 2004

¹ Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.

YOSHUA 7:1 Iomraidhean Croise

IIMU/UUNGW 34:27

Daaqoó Yakobo ina haraatláy, mura' sleémeero oo baraá gixsadá' kuri hayóh, asma hho'or'ín kawa dasu'uuma hhitín.

2 SAMUELI 24:1

Ki/imaá hatlae AAKOÓ MUNGÚ iri buúhh as xoorór Israeli. Daudi guna /agís gawaá daanduú múk Israeli, guri báy, «Múk Israeli faareek, nee múk Yudawo.»

2 WAAWITÁ 5:24

Tawa hardáh gawaá tloomaadá' Elisha i dirii'i Gehasi peésadá' gari taataáhh dír sagadiyuusér Na'amani wa ale gari dahaás baraá do'ós. Naagáy sagadiyuuseedá' gari báy, «Daxta kuungá' watlé'.» Sagadiyuuseedá' iri tleér.

1 QOM'I 21:7

Ala Mungú adoorí taa tleéhh gwaa sla'atiská, gawaá adoorihe múk Israeli gway muúx.

2 QOM'I 24:18

Naagáy muu Doó AAKOÓ MUNGÚ, Munguú baabi'ii'ín, guri máy, munguúdá' ta bay Ashera nguri sluufmisuú ayé', nee slaqsa'aá hatlae, Mungú múk Yuda nee oo Yerusalemu giri i qa/iít.

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

YOBU 35:8

Tlakweemaá kuúng ta tlehhit, heé i slahh'eesiya' a heé adór kuúng, nee hotaawók awa ganaa'á', hee ngun tu/iyá'.

DAHARUSMO 9:18

Sagalooa xooslár slaqwara ga bá/, ala heé tlaákw oo wák hhoeemaá yaariir gin hhitín.

DANIELI 9:7

Aá Aáko, diroge gan'amu i deer, ala atén umuú deeloro mure taa fák. Kaangwí sleémeero a ló' dír ateéká' Yudeár hootá' nee yaamuloouusér Yerusalemuro, nee múk Israeli sleémeero kudá' taa diyá/ baraá yaamaá saawá' nee awa tsewene, asma inkihhimu nguwa dakuusiyé' diroge.

TLAHHOÓ LAÁWI 10:6

Mose Aroni nee daaqaywos, Eleasari nee Itamari giri báy, «Se'eemerhúng ma xaafara' nee tsitayhúng mu feehhamiisara' as tsuunqumis, bar adooriheeká tundu tsuu/ nee AAKOÓ MUNGÚ, xooro sleémeero gari i buuhh. Ala hhaeehúng awa xoorór Israeli ngi aleeslayá' iwa hheehhe'eemiisiya' as asltadá' AAKOÓ MUNGÚ naa huwi.

YONA 1:7

Mukdá' baraá miringamoó wa gadiyuús tari kilooín axweés, tay káh, «Gimsé', tsawdo a tleehhaán as heewí slahh'amaayeerí tisa sleér nguwa slawaan.» Tsawdo kari tleéhh, ala naxés tsawdo Yona guri sleér.

YOSHUA 22:16

«Alqaati sleémeero ar múk AAKOÓ MUNGÚ i kat, ‹Ahaá gár tlaakw ar adór tí masa tlehhé' dír Munguú Israeli? Kuungá' laarí masa dee/aanuté', AAKOÓ MUNGÚ kway meeré' eeharto, as kitangwhúng oo ilahhooa kawa hanmiisi kuwa tlehhé'. Adoorihe kuungá' aga dee/anuti'iikáhe, AAKOÓ MUNGÚ kway meeré' eeharto?

YOSHUA 22:18

Ahaá waáy, AAKOÓ MUNGÚ eeharto musa male sié'? Asma kuungá' laarí bura sié' eeharto, inós matlo in qa/iit dír xoorór Israeli sleémeero.

YOSHUA 22:20

Kuungá' a insleera'aakáhe adór Akani garmoó Sera ira inkihhimu wasleés baraá muruudá' taa hhoohhooeesi as Mungú, Mungú iri buúhh amór xoorór Israeli sleémeero? Slám tlakweemaadaá Akani aa tleéhh inós kilós ngwa gaasi'iiká.› »