YOSHUA 6:7 - Biblía Axweesantá Hhohho' ar Mungú 2004

⁷ Inós muu sleémeero guri báy, «Tlawsé' geera wa hi'iitaak, gixsa harweeraak, mukduú xooslaá slaqwarár koóm i geeraá sandakmoó alqadór AAKOÓ MUNGÚ wa hi'iiti.»

YOSHUA 6:7 Iomraidhean Croise

YOSHUA 1:14

Tlaawayhúng nee na/iihúng nee hikwahunge ni meetiye' baraá ayaawí Mose naa kuungá' i haniís, amór gayuwí oo yaaér Yordani. Ala hhawaataá miguuse awa xoslaá slaqwarár koomá' ta geeraá hhaeeín wa giirin nee kiwa alee/iisi.

YOSHUA 4:13

Mukdaádá' xooslár slaqwarár koóm a kume mibeeri tsiyáhh, niri geeraá AAKOÓ MUNGÚ ar waaraahhiyé' ay baraá xatstá iisaapoó Yeriko, taa amohhe'eesiyé' slaqwaraaro.

YOSHUA 6:3

Kuúng nee slaqwaruuseerók gixsár Yeriko harweeraak wai wak umuú baalaaro, adoorí tleehhaak deelo lahhooe.

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»

YOSHUA 6:8

Yoshua muu nguwa sangw ádbáy, kaahamuusér Mungú ar faanqw tidá' tarumbeétadaá faánqw koom awa taa tleéhh ar xareemaá gwaandaawe, geeraá AAKOÓ MUNGÚ ngin wa tlayé', i tarumbeetaduuín ufahhaná', nee sandakmoó alqadór AAKOÓ MUNGÚ ku aluuín wa loohiis.