YOSHUA 6:6 - Biblía Axweesantá Hhohho' ar Mungú 2004

⁶ Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»

YOSHUA 6:6 Iomraidhean Croise

TI'INAANGW 25:14

Daqaní xaaiisíng ki dahás baraá dungáydá' bihhe tsaraawo ar Sandakmo, as loohisór Sandakmo.

Tlehhema'aá ya/Abuuse 9:1

Qoomaadae Saulo iri kumiít eeharuusér Aako ngiwa dae tlaaqi, nee adór ngir tsu/i gari leelehhiít. Iri daqáy dír kaahamusmoó úr oo Mungú.

YOSHUA 24:11

Aluuwo yaaér Yordani kari waarahhé', tari hardaté' Yerikórí ale. Múk Yeriko nari slaqwarár áy amorhúng. Tina alkoné' nee xoorór Amori, nee ar Perisi, nee ar Kana'ani, nee ar Hiti, nee ar Girgashi, nee ar Hifi, nee ar Yebusiro. Aníng xoorduuká' ngiri gawaá dabaahúngií qaás.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 3:6

Aluuwo Yoshua kaahamuusér Mungú gari báy, «Sandakmooduú alqadór AAKOÓ MUNGÚ ga koóm gawaá sum'iihúng i qaasaak, nee geeraá muu na wa hi'iimitaak.» Inooín adoodá' Yoshua ngaa báy ngiri tleehhiyé'.

YOSHUA 6:13

Kaahamuuseedár Mungú ar faanqw ar tarumbeétadaá faánqw loohiis, awa taa tleéhh ar xareemaá gwaandaawe, ina geeraá sandakmoó alqadór AAKOÓ MUNGÚ wa hi'ít ta hara tarumbeétadaá ufhhán. Slaqwaruuse i geeraá kaahamuuseedá' wa hi'ít. Xuumuusér hatlá' ta alaá sandakmoó alqadór AAKOÓ MUNGÚ wa hi'iit. Qoomaarihe tarumbeetadu ki alkón ufhhaango.

YOSHUA 6:5

Qoomár kaahamuusér Mungú tarumbeéta binga ufáhh ar afór ur, kuungá' sleémeero bar aga axasé', ta tseá' ar afór ur, daqaní koo/ír Yeriko iqo hú', umuúqo heewo didií dirii'i i geerií hi'iiti, gixsa ngi i haratlay.»

YOSHUA 6:7

Inós muu sleémeero guri báy, «Tlawsé' geera wa hi'iitaak, gixsa harweeraak, mukduú xooslaá slaqwarár koóm i geeraá sandakmoó alqadór AAKOÓ MUNGÚ wa hi'iiti.»

YOSHUA 6:8

Yoshua muu nguwa sangw ádbáy, kaahamuusér Mungú ar faanqw tidá' tarumbeétadaá faánqw koom awa taa tleéhh ar xareemaá gwaandaawe, geeraá AAKOÓ MUNGÚ ngin wa tlayé', i tarumbeetaduuín ufahhaná', nee sandakmoó alqadór AAKOÓ MUNGÚ ku aluuín wa loohiis.

1 SAMUELI 4:3

Muu iwa hardáh baraá xafay'ín, bariisér Israeli iri ó', «Ahaá waáy AAKOÓ MUNGÚ atén mista adoorír slaáhh geeraá múk Filistír wa alé? Gusé', sandakmoó alqadór AAKOÓ MUNGÚ u leehhaán Shilo, ngway huwaán amoorí, daqaní AAKOÓ MUNGÚ nee atén ti alkoomaán, nee ti ba/amis baraá dabaá wakuuseerene.»