YOSHUA 6:27 - Biblía Axweesantá Hhohho' ar Mungú 2004

²⁷ Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.

YOSHUA 6:27 Iomraidhean Croise

IIMU/UUNGW 39:21

Ala tam baraá doó tseegmuuwo AAKOÓ MUNGÚ i dinkwa nee Yosefu, AAKOÓ MUNGÚ Yosefu guri tsuúq, tam geeraharusmooduú doó tsegma guri gurií baá/.

2 SAMUELI 7:9

Iimír qoomaadae aníng nee kuúng a dinkwa, amór taqo keera nee wakuuseerók ana geeraawógi hhaamiís, án kuúng u iia tleereés adór múk hatlá' oo urén baraá yaamuwo.

1 QOM'I 14:17

Daudi iri iia tleerúy ay baraá yaamu sleémeero. AAKOÓ MUNGÚ xoordu sleémeero gay daeérí tleés, inooín Daudi kuri da'ayumiiít.

ESTA 9:4

Asma Mordekai a heé úr doó waawutmoowo, nee xirfuuwós ina xu'utiít baraá ayeemo sleémeero, asma aleesleemuú Mordekai ina ak doogiigín.

Matayo 14:1

Qoomaadae waawutmo Herode kángw Yesu guri axaás,

Matayo 18:20

Asma dír múk tsár laqaá tám i dirii'i, barnaxes taa burumburiít ar baraá umuueé', aníng a baraá tla/angw'ín i dirií'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

2 korinto 13:14

Tsuuqaá Aakoorén Yesu Kristo, nee sla'aarír Mungú, nee dinku'uumár Qeeruú hhoohhoó' oo Mungú masók i dinkwa nee kuungá' sleémeero.

DABE 31:6

Kuungá' /atlé', nee munehhe'eesé'. Mada'ayumiitaara', laqaá munduwa dae tlaaqiyé'. Asma AAKOÓ MUNGÚ, Munguúhúng nee kuungá' tin alkoondá', inós i surukiiká dirhunge nee nu geexayká.»

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

2 Timoteo 4:22

Aako muunaáwók ngu de'en. Tsuuqa masók i dinkwa nee kuungá'.

YOSHUA 1:5

Hee tumu wák i kaahh oo kuúng u tlampa'aás baraá deelór hotaawók sleémeero. Aníng nee kuúng a dinkwa, adoodá' aníng nee Mose tara dinku'uusaán daqisleém, kuúng gár uwa /aaruw i káhh, nee u geexawaaká.

YOSHUA 1:9

Inslawiím adór aníng kuúng ura báw, gimáy piíhh nee ilakaahareés ló' wa ale. Ma da'ayumiitaar laqaá ma amoqwaqwadimaar, asma anuú AAKOÓ MUNGÚ Munguúwók a dinkwa nee kuúng amór taqo keera.»

YOSHUA 9:1

Baalír xoorór Israeli kawa axaás, waawitá sleémeero oo yaaér Yordaniro gayuú /uwí dirií', nee oo yaamaá gongoama', nee oo baraá xatsoowo, nee kuduú afaá tlawtá Mediteraneárí tseewá' amór yaamaá Lebanoni, oo múk Hiti, nee oo múk Amori nee oo Kana'ani, nee oo Perisi, nee oo Hifi nee oo Yebusiro,

YOSHUA 9:3

Ala yaamuloouusér gixsár Gibeoni kangwdá' Yoshua aa tleéhh baraá gixsadaá Yeriko nee Airo kuwa axaás,

YOSHUA 9:9

Inooín nay ooiyé', «Atén amór ta dahhaan a amór yaamaá saawá', asma atén aga axasaán daanduú AAKOÓ MUNGÚ, Munguúhunge, tidá' inós aa tleéhh dír múk yaamaá Misri,

HAR'OHUUSE 1:19

AAKOÓ MUNGÚ múk Yuda guna alee/iís, inooín múk baraá yaamaá tlom'aá hoót nguri guusiyé', ala kudá' baraá xatstá hoót kwa aleeslayká guusaro, asma mukdá' i gaardaá muqslár kón.

1 SAMUELI 18:14

Daudi gadiyeduuwós awa aa tlehhiít nina qomqaaqoné', as AAKOÓ MUNGÚ tawa dinkwa nee inós.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.