YOSHUA 6:23 - Biblía Axweesantá Hhohho' ar Mungú 2004

²³ Masoombadár tsawtsawuuse iri dát baraá do'dá', Rahabu kari tsee/ií duúx nee baabuúwose nee aayoorose nee hhaeewose nee mar'eefowose, kiri huúw ay dír tsee/aá xaftá múk Israeli.

YOSHUA 6:23 Iomraidhean Croise

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

IIMU/UUNGW 18:24

Bar múk mibeeri kooán oo hota ganaá' bir deer baraá gixsaro, yaamu i qwaarésa sleeme, i meerakáhe as mukduú mibeeri kooán oo hota ganaá' oo baraadá' i dirií'.

IIMU/UUNGW 19:29

Ala Mungú yaamuudá' ngiwa hhitín, Abrahamu guna insláy, Loti guna hiingeés baraá yaamudae, as Loti munguwa qwaareés dinkwa nee múk yaamuudá'.

FAARO 31:19

Umuúqo heé hee gwaa qo gaasi baraá tla/angwhunge, laqaá kudá' tuuár hee gaa kwatiit, i tsee/aá wa iwiwiti ay deelo faanqw, miwa dáh baraá xafi. Bál tám nee bál faanqwe ti hheehhe'ese' kuungá' dinkwa nee mukhúng kudá' naa haasaáng wa hubi'i.

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

1 Korinto 5:12

Asma mukdá' kaáhh baraá múk kríshaanayhe aníng gár ngus sakwasleemuut a milá? Kuungá' sleeme múk ta sakwasleemuta' a kuduú baraá múk kríshaanáyheéke?

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Ebrania 11:31

Rahabu, /ameenidár tsaatuso'o, sleeme i haratlintaaór koón. Inós kaa gaasiiká dinkwa nee mukdá' aa dee/aanuut. Asma inós mukdá' aa tsee/aaríngw ay guna dahi'ís ar wayda.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

YOSHUA 2:13

As kahhó' baabuúeé' iwa tu/uuti nee aayír'eene nee hhaee'eé' awa daaqaay nee awa dasuwo nee muk'ín sleémeero, slafingw'rén tu/aare' baraá gwa'araro.»

YOSHUA 2:16

Rahabu giri beér, «Tlawsé' nahhaaté' baraá yaamuuqaá tlom'i as kahhó' tiwa doga'aaká nee mukdá' kuungá' nu alkoóm. Deelo tám gawaaqií faakaak ay dír mukdaádá' nu leelehhiít i watli, daqaní kuungá' ta kumitá' amoodá' ta dahha'.»

YOSHUA 2:18

Ga/aaweek, bál atén birna dahaán baraá yaamuuká', kiíng warqamoowí daa/aát ku tsék dír pa/angwdá' atén tira dúx, daqaní kiíng baabuúwók nee aayooroge nee hhaeewoge nee múk guruú doó baabuúwoge ki buruumbút baraá do'ógí alé.

HAR'OHUUSE 1:25

Naagáy loohír dahmuú baraá gixsa gari laqán, inooín múk baraá gixsadá' ngway hhaamiisiyé' ar paangadu, ala heedaádá' ngway mayé', inós nee múk do'ós sleémeero.