YOSHUA 6:19 - Biblía Axweesantá Hhohho' ar Mungú 2004

¹⁹ Ala peésa sleémeero nee sahaábuwo nee xooslaá taa tleéhh ar muqslár da/aten nee awa muqslaro a xooslaá taa paraátl as Aakoó Mungú, adoorihe kin qaas baraá qaasír AAKOÓ MUNGÚ.

YOSHUA 6:19 Iomraidhean Croise

2 SAMUELI 8:11

Qeemuuwí, dinkwa nee muqsladár peésa nee sahaábudá' na hayóh baraá slaqwarár xoordu sleémeero, kudá' nee inós naa slaqwiye', muruuwí guri amohhe'eés as nguwa AAKOÓ MUNGÚ i haniisi.

1 WAAWITÁ 14:26

Xooslár doó AAKOÓ MUNGÚ sleémeero gari ar tlay, nee ar doó waawutmowo, umuú gaa gana ar tláy, nee sleeme gaambudá' Solomon aa tleéhh ar sahaábu gina ar sláy.

1 WAAWITÁ 7:51

Gadiyér waawutmo Solomon aa tleéhh as doó AAKOÓ MUNGÚ iri hhooeér. Naagáy Solomon muruudá' baabuúwós Daudi aa hhoohhooeés guri dahaás baraá do'. Muruudá' an peésa, nee sahaábu, nee xoosluuwo sleémeero giri baáts baraá qaasír Doó AAKOÓ MUNGÚ.

2 WAAWITÁ 24:13

Adoodá' AAKOÓ MUNGÚ ngira geerií oó', Nebukadnesa daqaari'iimár baraá doó AAKOÓ MUNGÚ nee ar doó waawutmo gari ar tláy. Xooslár taa tleéhh ar sahaábu nee waawutmo Solomon gana tsuú/. Xooslarí i baraá doó AAKOÓ MUNGÚ i dirí'.

1 QOM'I 18:11

Qeemuwí waawutmo Daudi guri paraátl as Mungú, dinkwa nee sahaábu nee peesaaro, tidá' aa hayóh baraá xoorduudá' slaqwaraaro aa baál, awa Edomu, nee Moabu, nee Amoni, nee Filisti nee Amaleki.

1 QOM'I 26:20

Baraá tlahhoó Laáwiwo Ahiya kuna qaás, peésár doó Mungú ngiwa amohhe'eemisi nee xoosladá' taa dákw i qaás as gadiyér doó Mungú sleeme.

1 QOM'I 26:26

Shelomotiwí nee hhaeewós kina qaás tawa múk peésár doó Mungú ga amohhe'eemiís, nee xoosladá' sleémeero tidá' waawutmo Daudi aa paraátl as AAKOÓ MUNGÚ, inós nee geeraharuusér tlahhi'i, nee geeraharuusér kume, nee ar tsiire, nee geeraharuusér slaqwaruuse.

1 QOM'I 26:27

Xooslaarír haasaáng naa baraá slaqwarár hayoohiyé' kay bahh paraátl as kawa gadiyér Doó AAKOÓ MUNGÚR tleehhi.

1 QOM'I 26:28

Mura' sleémeero oo taa paraátl nee Samueliduú iigu'utusmo nee Saulo garmoó Kishi, nee Abneri garmoó Neri, nee Yoabu garmoó Seruya, muruuwí kun xún nee Shelomoti nee hhaeewós.

1 QOM'I 28:12

Daudi adoodá' do' ngur slai tlehhmuuwo gay laqán, nee afeenír doó AAKOÓ MUNGUHE, nee kutuwoó xoosla kay babaatsi, nee oo peésaadá' taa paraátl as Mungú ki babatsi.

2 QOM'I 15:18

Xooslaadá' sleémeero baabuúwós aa paraátl as Doó Mungú gana ki/is, nee tidá' inós aa paraátl sleeme. Xooslarí ta ki/ís a xooslár peésa nee ar sahaábu nee xooslár hatlá'.

2 QOM'I 31:12

Balangwdá' tinda hanmiís nee ar wák baraá mibaango, nee muruudá' taa paraátl as Mungú, kuri baraá doó Mungú i baáts ar inkihhimu. Konania heé tlahhoó Laáwi kuri qaás heé úr wa ale, as muruudá' nguwa amohhe'eemisi, nee hhiyaawós Shimei an alee/isusmoowós.

NEHEMIA 10:38

Kaahamusmoó xwaylár Aroni dinkwa nee tlahhoó Laáwi ilahhooadár gár wák baraá mibaango ngin ilaoohiyá', naagáy múk tlahhoó Laáwi ar wák baraá muruú mibaango gan huuw baraá kutuwi, baraá kuuntáy.

YEREMIA 38:11

Naagáy Ebedmeleki nee mukdá' tari tláy amór doó waawutmo, tari dáh ay baraá meewér doó waawutmo, Ebedmeleki tlawuú aa gwaa' guri taataáhh guri /aytiís ar hima amór Yeremia.

TLAHHOÓ LAÁWI 19:24

Kurkú tsiyahhe mamu sleémeero ki hhohho' kiwa ilahhooár wa haniisi dír AAKOÓ MUNGÚ.

MIKA 4:13

Mungú i kaahi, «Gimsé', kuungá' múk Siyoni, sihhiité', wakuuserhúng muxaak. Asma aníng kuungá' nu /uurií haniís tay adór awuú xareemiiwós adór muqsla, nee funqaáruuwós adór muqslír sirdaa/aat. Adoorí an adór kuungá' xoordaá yaariir kir bala'. Haasánguín kudá' naa baraá slaqwarár wa slayé' kuungá' ngu hubá' amor'eé' alé, nee daqaari'iimar'ín ngi hubá' amor'eé' as tawa te'eé', anuú Aakoó yaamu sleémeero.

FAARO 31:11

Ala muruudá' sleémeero kunguna haasaáng wa ar tláy, muu nee hikwaawo,

FAARO 31:12

kiri huúw amór Mose, nee amór Eleasari kaahamusmoó Mungú, nee amór dinku'uumár múk Israeli sleémeero, tidá' baraá xafáy dirii', baraá xatstá Moabu, gayuú Yordani, didá' nee Yeriko ti ga/aawá'.

FAARO 31:22

Sahaábu nee muqslár peesaaro nee muqslír sirdaa/aat nee muqslaro nee mabaátiro nee tlaa/aá ta harsaásír tlehhahhiti.

Matayo 27:6

Kaahamuusér uren ar Mungú peésaadá' gari léhh, iri ó', «A hariímarooká peésaarí kawa qaasaan baraá sandakmoó ilahhooa, asma a peésár tseere.»

Marko 12:41

Looarka wake Yesu ina iwiít dír bihhaá sandakmoó ilahhooa, adór ilahhooa ngir hanimisiya' gana ga/áy. Daqaarér yaariir peésár yaariir gana qamiín.

YOSHUA 7:11

Múk Israeli tlakweema gaa tleéhh, alqadoodá' án nee inooín naa axweesaán ngaa si'iyé', inooín xosluudá' taa paraátl as kiwa qororo'oosi ngina bahh taatahhiyé', slám ngina fisisiné', ngiri lu/iyé' baraá xosluuín, lama ngiri tsatiyé'.