YOSHUA 6:18 - Biblía Axweesantá Hhohho' ar Mungú 2004

¹⁸ Ala kuungá' ti harmagahhe', gaa ló' ma baloó taatahhara' baraá muruudá' ta hhitina, as kahhó' xafoó Israeli kuwa hhitinká.

YOSHUA 6:18 Iomraidhean Croise

2 SAMUELI 21:1

Qoomár Daudi tawa waawutmo, giyér ur nina tleér baraá yaamuwo. Giyeérí ina kumaamít baraá yaamuwo ay kureeri tám. Daudi AAKOÓ MUNGÚ guri firín gawaá daanduú kaangwihe. AAKOÓ MUNGÚ Daudi guri báy, «Saulo nee múk do'ose a tlakuuse, asma inooín tseerdaá muu ngaa ku'umaamisiyé', inós múk Gibeoni guna tsuú/.»

DAHARUSMO 9:18

Sagalooa xooslár slaqwara ga bá/, ala heé tlaákw oo wák hhoeemaá yaariir gin hhitín.

YONA 1:12

Inós giri báy, «Aníng na oohare', kwahhaaré' baraá tlawi, as tlawi iwa xaslit, asma aníng a xuú' adór bambaaorí nusa sleér tar aníng.»

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

DABE 13:17

Umuú gaaro ar taa daá/ ma taatahhara' dabaahunge as kahhó' AAKOÓ MUNGÚ buhhtaawós kudá' xaraasla' ngiwa may, nee kuungá' nuwa gurtlay. Nee ar gurtleemuwose kuungá' nuwa tlahhasi, ar adoodá' ngira lo'ór wa /aáy dír baabi'iihúng,

DABE 23:10

Barnaxes hee baraá tla/angwhunge xweeraawo aa pisahhaát, heewí i tsee/aá xaftií ti'iiti, miwa dáh baraá xafi.

DABE 7:26

Slaqsi'iidá' mi ar watlaara' amór marayhúng, laqaá bar adooriheeká, kuungá' tundu adór slaqsi'iidá' wa lu'us. Kuungá' masók aqo in siá' nee kiri waaqaqa'á' asma tawa muruú taa lu'ús.»

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

YOSHUA 7:1

Múk Israeli inkihhimu gwa tleehhiiká daanduú muruudá' tawa oó' ku hhaamisi, ala Akani garmoó Karmi garmoó Sabdi, garmoó Sera, oo tlahhoó Yuda, muruudá' tawa oó' ku hhaamisi inós guna bahh qawti ar tláy, AAKOÓ MUNGÚ iri daa/atúy buhhtaawo dír múk Israeli.

YOSHUA 7:13

Sihhiít, muu hheehhe'eeseek nee ti amohhe'eesiye', matlo tindiwa dír geeraaeé' hardihi. Asma aníng AAKOÓ MUNGÚ, Munguú Israeli, muu gár ngu baw i deer. Asma xosluudá' aníng niwa oó', qororo'oosaak, i baraá tla/angwhúng i dirii'iyá'. Gawaá adoorihe kuungá' sihhtanór geeraá wakuuserhúng a aleesleera'aaká ay dír xosluudá' ki qororo'osa' baraá tla/angwhunge.

YOSHUA 7:15

Heé naa harati'iít oo muruudaádá' taa paraátl gu koóm ku daa/ baraá asla, inós nee múk do'ose, nee muruudá' sleémeero i kona. Asma alqador'eé' gaa sií', gár alsi'ím gaa tleéhh baraá múk Israeliwo.»

YOSHUA 7:25

Yoshua iri oó', «Xáy, asma milá, kuúng gár slahh'amu ngusa húp baraá tla/angwréní alé? AAKOÓ MUNGÚ slahh'amu ngu dirók i huuw laarí.» Akani kuri tlaquút ar tlaa/e nee múk Israeli sleémeero, kuri gaás. Múk do'ós sleeme kuri tlaquút ar tlaa/e, kuri tsuú/ nee kuri daá/ ar asla.

1 Yohana 5:21

Laqwalór ninakw, munguaá lamto ti harmagahhe'.

1 SAMUELI 15:9

Ala Saulo nee mukós Agagi kunguri slafi huúw, kwa gaasiiká, nee bee/ángw slaqo hhó', nee hikwaá slaqo hho' nee muruú wahhaara, nee deeloó bee/aango nee umuúqo gár slaqwahhooe, aa ya/aniká ngiwa hhaamisi. Ala muruuduú kangaa/a nee muruú slaqo tlákw, an kudá' taa hhaamiís.