YOSHUA 6:1 - Biblía Axweesantá Hhohho' ar Mungú 2004

¹ Afkú gixsár Yeriko kuna tseék nee kuri xún asma múk Israeli kuwa tsee/ií ilaa/i. Tam heé ti'inángw tsee/a gwaa aleeslay i kaahh tumu wák, laqaá heé dahma gaa aleeslay i kaahh.

YOSHUA 6:1 Iomraidhean Croise

2 SAMUELI 10:5

Mukdá' iri muruút ki/imaá amór do'o, Daudi kuri kaangwí báy, muu guri ya/aáw as mukdá' kuwa al'ay, as tawa kángw kilá' wa muruút, giri báy, «Hooté' baraá gixsár Yerikór wa ale ay dír umuúqo heewo daamoórós ni ti'it, daqaní ni watlá' amór do'.»

2 WAAWITÁ 17:4

Ala qoomarka wake Hoshea afo gana ya/aáw amór waawutmo So oo Misri as alee/isaay nguwa firin. Inós ohme hanimisuwo gari sií' dír waawutmo Shalmanesa oo Ashuru, adoodár /iisí umuú kurko i tlehhaahhiti. Shalmanesa adoorí ngiwa ár, Hoshea guri óh, guri tseék ar piíngu guri dahaás baraá doó tseegamo.

2 WAAWITÁ 2:4

Eliya Elisha guri báy, «Gám kuúng diirí meeteek, AAKOÓ MUNGÚ aníng iga ya/aáw ay Yeriko.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tay altláy ay Yeriko.

WARA'AMI 127:1

AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

YOSHUA 16:7

Iwa Yanoár wa /eét iri ti'iít ay Ataroti ay Na'ara, iri hardáh ay Yeriko, iri alhhe'eesuút dír yaaér Yordani.

YOSHUA 18:21

Gixsadaá taa tlahhoó Benyaminiwí haniís a kuká': Yeriko, nee Bet-hogla, nee Emek-kesisi,

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 2:24

Yoshua nguri bayé', «Atén aga tsaahhaán adór AAKOÓ MUNGÚ yaamuudá' sleémeero ngira dír atén i haniís. Slám yaamuloouuse sleémeero ar baraadá' hoot hor/i gina eér as atén.»

YOSHUA 2:7

Naagáy mukduú Yeriko tana /akumiít mukduú Israeli kuri eehár ay waarahhmaá yaaér Yordani. Inooín niwa tlayé', afkú gixsa kuri aluuín wa tseék.

YOSHUA 5:15

Geraharusmooduú malaykér AAKOÓ MUNGÚ Yoshua guri báy, «Ya/ataawók duuxeek, asma diisíng ti sihhít a dír hhoohhoo'.» Yoshua adoodá' kwa báy gari tleéhh.

YOSHUA 6:2

AAKOÓ MUNGÚ Yoshua guri báy, «Aníng gixsár Yeriko ngi gawaá dabaawók i qaás, nee waawutmoowós nee slaqwaruuseerós sleémeerowo.