YOSHUA 5:9 - Biblía Axweesantá Hhohho' ar Mungú 2004

⁹ AAKOÓ MUNGÚ Yoshua guri báy, «Daxta mureewaslayduú kuungá' tawa lawalér múk Misri laarí ugwa hingeés dirhunge.» Gawaá adoorihe didá' kari báy Gilgali tam ay laarí.

YOSHUA 5:9 Iomraidhean Croise

IIMU/UUNGW 34:14

Tari oó', «Adoosíng ngi tleehhanaaká hho'oorén ngiwa hanisaan, dír heé taa hheehhe'eesiiká. Adoosíng bara tleehhaán, a alsi'imu direne.

2 SAMUELI 19:15

Naagáy, waawutmo nari hardáh dír yaaér Yordani, nee múk Yuda sleémeero tindina hardáh Gilgali, as waawutmo nguwa al'aya', kunguri waarahhaas yaaér Yordaniro.

NEHEMIA 12:29

Bahh'ale ni Bet-gilgali dahhiyá' nee ayeemaá Geba, nee Asmaweti, asma daauuse maray'ín gina tléhh ayeemaá Yerusalemu ngaa harweeriye'.

WARA'AMI 119:39

Tsi'imisuuín kudá' dae tlaáq pa/asek, asma tidá' kuúng ta kat ka hhoo'.

YEREMIA 9:25

AAKOÓ MUNGÚ i kaahi, «Ga/aawaak, deelo ni hardát ar mukwí taa hheehhe'eés oo aníng i haratlintatiaaká nguwa sakwasleemuut, múk ni sakwasleemuut a kwí:

ESEKIELI 23:3

Qoomár inooín tawa dasuú /amaatliite tawa yaamaá Misrír hooti, inooín tana fquús, asma tana ya/án iseemaaín kiwa kwatmiiti nee daaqaay, nee kiwa harneeti inooín niri sli'imuuse tleehhitiyé'.

ESEKIELI 23:8

Inós ina kumít tsaatu'uuma tlehhtuuwo, tidá' aa iimu/uún iimír qoomár iwa baraá yaamaá Misri, qoomaadá' tawa dasír /amaatliito'o, nee hhawaate nina alqaatiyé', slaqooín ngiri tsaeemisiyé' dirós wa ale.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

TLAHHOÓ LAÁWI 24:14

«Masoomoosíng aníng iga /ooslín, tsee/aá xáftí duuxeek, nee mukdá' sleémeero gwaa axaas iwa án /oosliislin dabaaín ngi qaasiye' gawaá sagós, nee xooro sleémeero ngu tlaqut ar tlaa/e ay dír i gwaai.

AMOS 5:5

Ala mi leelehhtuú awaara' amór Beteli, nee ma Gilgalír kawaara'. Laqaá ma waarahhara' Be'er-sheba. Asma yaamuloouusér Gilgali ka loohatis, nee ar Beteli ka hhaamiis.»

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

SEFANIA 2:8

AAKOÓ MUNGÚ Aleesleemusmo i kaahi, «Aníng /oosliislíngw múk Moabu ugwa axaás, nee niqmisuú múk Amoni. Asma muk'eé' nguna /oosliisliné' tay xirfayemisiyé' gawaá digeemi'ine.

YOSHUA 24:14

«Gimsé', AAKOÓ MUNGÚ ilaiwawa/aak nee sagadiyusaak ar muunuú /awaák nee ar inkihhimu. Munguiidá' baabi'iihúng naa sagadiyusiyé' gayuú yaaér Eufrátér wa ale, nee baraá yaamaá Misriro, amoosíngí kwahhaak, daqaní AAKOÓ MUNGÚ ku sagadiyusá'.

YOSHUA 4:19

Slahhángw geera bál tawa mibaangw, muu yaaér Yordani gana waaraáhh, xafay'ín ngway tleehhiyé' yaamaá Gilgali, bihhaá da/aáw awa Yeriko.

YOSHUA 5:8

Hhawaataá Israeli sleémeero al/utlooro kiwa hhe'eés, tari meét dír xafay'ín i alé, ay qoomár niwa hungu/uma hhe'eesiyé'.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 7:16

Inós umuúqo kurko gixsadaá Beteli, nee Gilgali, nee Misparo gin alhi'iimaamiit, qaa/oó múk Israeli gun tlaqaqaat baraá yaamuuká' sleémeero.