YOSHUA 5:5 - Biblía Axweesantá Hhohho' ar Mungú 2004

⁵ Mukdá' sleémeero naa baraá yaamaá Misrír wa ti'iit kwaa qaroó al/utlín. Ala mukdá' sleémeero taa laqwaál baraá xaanxáy ale, alaá tindiwa ti'iít baraá Misriro, kwaa al/utlinká.

YOSHUA 5:5 Iomraidhean Croise

Matayo 12:7

Kaa gooín, ‹Ilahhooár muruú ta tsu/i a sla'aaká, ala gár ni slaa' a gurtleemu.› Kuungá' gídaabár /aymi'iiká' geeraawo bar xuá', múk tlakweemaá koomaaká geera u sakwasleemuta'aaká.

Rumi 2:26

Heé xoorór hatlá' oo taa al/utliiká, inós barnaxes hara'aya gaa eehár, kwí ku harafaáriíke tawa adór heé taa al/uútl, inós tam kwaa al/utliikahe.

1 Korinto 7:19

Hee burkwa al/uútl, laqaá burkwa al/utliiká, a gaarooká. Ala hara'ayár Mungú ka iialooeemisi.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

YOSHUA 5:4

Yoshua mukwí gár ngusa al/utlór áy a tí: Hhawaate sleémeero kudá' naa baraá Misrír wa ti'iitiye', kudá' afiqoomár slaqwara nga aye', nina qatliyé' baraá xaanxaay, alaá niwa ti'iitiyé' baraá Misrír wa ale.

YOSHUA 5:6

Asma xoorór Israeli ina baraá xaanxáy wa harweerariín kureeri mibeeri tsiyáhh, ay qoomár hhawaate sleémeero awa afiqoomár slaqwara ngaa aye', kudá' naa baraá yaamaá Misrír wa ti'iitiye' niwa hhané', as afór AAKOÓ MUNGÚ ngiwa iialooeesi'iiká. Asma AAKOÓ MUNGÚ lo'o gana /aáy daanduuine ar yaamuudá' aa dír baabi'ii'íní al'axweés, kudaá diihhooár ilwa nee dane, daxta ngiwa sangw baloó ariiaaká.