YOSHUA 5:14 - Biblía Axweesantá Hhohho' ar Mungú 2004

¹⁴ Heedaádá' iri oó', «Aasla'áy, án bartá naa áw i káhh, aníng a diirí dirií', asma aníng a geeraharusmooduú malaykér AAKOÓ MUNGÚ.» Yoshua iri tumbarara'aát, giti gari yaamúr óh as ilaiwa/ame, iri oó', «Aakooeé', aníng a sagadiyusmoowók, gár kuúng ta sla' ar ni tleehh a milá?»

YOSHUA 5:14 Iomraidhean Croise

IIMU/UUNGW 17:17

Naagáy Abrahamu iri tumbarara'aát, iri qasén, iri baraá muunaáwós i oó', «Xáy, heé kureeraá tsiiru dirose na/aay ku laqwaáli? Sara ar kureeraá mibeeri gwaleél sleeme iqo xwayluúra?»

IIMU/UUNGW 17:3

Abramu iri tumbarara'aát, Mungú iri oó',

2 SAMUELI 7:19

Aá Aakoó MUNGÚ! Slám gár adór tí a gár niina dír ilawoge, Aakoó MUNGÚ. Gár tí ga baa/ a al'axweesantidár muruú urén, ar taa ó' dír múk dooeé', ar kureeraá yaariir awa hi'iitá', nee adór muruú qari sleémeero ar aluú wá hi'iit ngura aníngí xu'utís.

2 SAMUELI 7:20

Aá Aakoó MUNGÚ, anuú Daudi lawaalmoowók, gár ni male dirógií oo' a milá? Asma kuúng anuúwí oo lawaalmoowók i xú'.

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 24:10

«A heemá waawutmoó xiríf? A AAKOÓ MUNGÚ Aleesleemusmo. Inós an waawutmoó xiríf.»

TI'INAANGW 4:10

Mose AAKOÓ MUNGÚ guri bay, «AAKOÓ MUNGÚ, iimír aange aníng axweesani a aleeslawaaká, tam alaá anuú sagadiyusmoowók nee kuúng tawa axweesaán, asma aníng ti inslahheeká axwesanto, tsifrangw'eé' ku iiloó'.»

TI'INAANGW 4:13

Ala Mose iri oó', «Aá Aakooeé', án kuúng u firiím, heé hatlá' ya/aaweek.»

ISAYA 55:4

Ga/aaweek, aníng ugwa geeraharusmoó xoordú wa qaás, nee geeraharusmoó slaqwaruuse as aníng iwa lamabu'un dír muko.

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

ESEKIELI 3:23

Naagáy niri sihhiít, niri tláw ay dír tlapapaaidá'. Héh, amoodae xirfuú AAKOÓ MUNGÚ una ár, aa sihhiít adoodá' ira sihhiít qoomaadár niwa dír yaaér Kebari, aníng niri i gurúr qaát.

DANIELI 10:13

Heedaádá' úr oo waawuti'iimár múk Persia ina ilaá/ har afiqoomár deelo mibeeri tsár nee wake. Ala Mikaeli geeraharusmoó wák baraá geeraharuusér malaykeero, nina hardáh as iwa alee/iisi, gawaá adoorihe hám án ugwa didií geexáw nee geeraharusmoó múk Persia.

DANIELI 10:21

Ala aníng kangwdá' taa gooín baraá kitaábuuduú looeema ngu dirógí xu'utís. Heé hatlá' i kaahh oo aníng i alee/iís slaqwararo aqo har Mikaeli, malaykamooduú xuumusmoó múk Israeli.› »

DANIELI 12:1

«Qoomaarihe Mikaeli, malaykamoó úr kuduú xuumusmoó mukók ni hardah. Qoomaadae slahh'amuú ló'wa yaariír i iimu/ún baraá yaamuwo oo aa baloó deerutiiká iimír xoordu niwa iimu/uné'. Ala qoomaarihe baraá mukoge, mukdá' taa ume gooín baraá kitaábuú slafiingw ku ba/amis.

DANIELI 8:11

Xarmoowí tiri ló'wa xirfayeés kilós ale tam dír geeraharusmoó úr oo múk Munguhe. Ilahhooadá' ta da/aa/an umuú deelooro dír Kudá' Úr oo gawaá doori gari qwaareés, nee do'ós kudá' hhoohhoó' guri yaamií slaáx.

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

FAARO 16:45

«Dír dinku'uumasinge ti paratle', hamír kilá' i adaá hhaamiís!» Ala Mose nee Aroni tana gur'ér ar qaát.

FAARO 22:31

AAKOÓ MUNGÚ ilaá Bala'amu giri gweér, inós malaykamoó AAKOÓ MUNGÚ guri ár, aa sihhiít baraá loohi, paánga gaa duúx baraá tlakwaywose, gaa dákwií óh. Bala'amu iri xupuú', iri gurúr qaát yaamu.

Matayo 22:44

‹Aakoó Mungú Aakooeé' guna báy: Iwiít bihhaaeé' awa doó /iyáy, ay dír wakuuseerók ngi baraá dabaawók i qaas.›

Matayo 8:2

Heé tiqtír tsatmituú koóm iri amoorós i hardáh, guri i tumbarara'aát, iri oó', «Aáko, kuúng bar slá', i aleesleér iwa hheehhe'es.»

Luka 1:43

Adoorí adór ira tleehharút laarí tam aayír Aakooeé' niwa amor'eé' keér?

Luka 20:42

Asma Daudi inósuú kilá' baraá kitaábuú Wara'amto ina káh, ‹Aakoó Mungú Aakooeé' guna báy, Iwiít bihhaaeé' awa doó /iyáy

Luka 5:12

Yesu iwa baraá gixsár wák i dirii'i baraá gixsaduudae, heé tiqtír tsatmit i deer baraadae. Inós Yesu nguwa ár, iri dirós i tumbarara'aát, guri firín iri oó', «Aáko, kuúng bar slá', i aleesleér iwa hheehhe'es.»

Yohana 20:28

Tomas guri báy, «Aakooeé' nee Munguúeé'.»

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

YOSHUA 20:1

AAKOÓ MUNGÚ Yoshua guri báy,

Geehhoeemaá 12:7

Gawaá dooriiwo slaqwara niri ti'ít. Mikaeli nee malaykeerós tari slaáqw as dayshamoodá' úr kuwa baali. Dayshamoodá' úr dinkwa nee malaykeerós tari slaáqw sleeme nee inooín.