YOSHUA 5:13 - Biblía Axweesantá Hhohho' ar Mungú 2004

¹³ Looarka wake Yoshua iiwa isaapoó gixsár Yeriko, Yoshua heé símér koóm gway ár i geeraawós wa sihhmiit. Yoshua iri amoorós i hi'iít guri báy, «Xáy, kuúng a bartá slaqwaruusér ayaaréne laqaá bartá wakaruuseerén?»

YOSHUA 5:13 Iomraidhean Croise

IIMU/UUNGW 18:1

AAKOÓ MUNGUÚ Abrahamu guna harati'iít baraá yaamaá Mamre. Abrahamu qoomaadae i iwiwiit dír afkú heémarós wa alé, qoomár siree/ír tlaatla/aangw.

IIMU/UUNGW 18:2

Iri qaytsiít, ga/aaweek, múk tám aa sihhiít dír geeraawós. Abrahamu ngiwa ár, iri ta'aaín iimír afkú heémarós wa alé as ngiwa al'ay, iri tumbarara'aát.

IIMU/UUNGW 28:16

Yakobo iri tláy baraá gu'uteero, iri oó', «Ar ló', AAKOÓ MUNGÚ i diirí dirii', aníng aga xuiiká.»

IIMU/UUNGW 33:1

Yakobo iwa qaytsiít, Esau guri ár, iwa hi'iiti nee múk tsiire tsiyáhh. Na/iiwós giri qasmiís dír Lea nee Raheli, nee sagadiyuuser'ín tidá' tsár.

IIMU/UUNGW 33:5

Iri malé qaytsiít, naxés /ameena nee na/ii giri ár, iri ilawaáts, guri yaahaás, «Mukwí nee kuúng ti koomá' a ín heemá?» Inós iri oó', «A na/iidá' Mungú naa haniís dír sagadiyusmoowók ar qeemuuwós.»

1 QOM'I 12:22

Deeloodae umuúqo baalaaro múk /abén ina doogiigín baraá slaqwaruusér Daudiwo. Slaqwaruuse ina doogiín iri tláhh adór slaqwaruusér Mungú.

1 QOM'I 21:27

Naagáy AAKOÓ MUNGÚ malaykamoowós guri ádbáy paánga ngiwa ki/isi baraá tlakwaay, malaykamo paánga gari qaás baraá tlakwaywós.

1 QOM'I 21:30

Ala Daudi daqeemuú amoodá' gwa aleeslayká as Mungú nguwa firin, asma inós ina ló'wa da'ayuút as paángadá' malaykamoó AAKOÓ MUNGÚ i kon.

TI'INAANGW 23:23

Qoomár bar malaykamooeé' kuungá' naa geerahaár nuri hardahaás baraá yaamaaá xoorór Amori nee ar Hiti, nee ar Perisi, nee ar Kana'ani, nee ar Hifi, nee ar Yebusi, xoorduuká' ngiri hhaamiís.

DANIELI 10:5

Niwa qaytsiít, naxés heé tlabaá neewór kitaáni ngaa tsiit una ár, nee afeetloowose himuú sahaábuú Ufasír daáhh nguna tseek.

DANIELI 8:3

Naxés niwa qaytsiít, gwaanda una ár aa sihhiít dír afaá yaeerí. Gwaanduwí xareemaá tlet tsár gi kón, ala xarmoó wák ku ak tleér, nina ti'iít dír alaá kuduú hatlá' wa aleeró.

SEKARIA 1:8

Qoomár xweeraawo malaykamo una ár aa tsa/án gawaá faraásír daa/aat. Malaykamoodá' aa sihhiít baraá xatsa tla/ángw xaa'aá ta bay hadaási. Nee aluuwose farsú hatlá' i deer, oo da/atén nee oo kal'aá bahayen nee oo /awák.

FAARO 22:23

Naagáy daqwaay malaykamooduú AAKOÓ MUNGÚ guri ár aa sihhiít baraá loohi, paánga gaa duúx baraá tlakwaywose, gaa dákwí óh. Daqwaay iri paásl baraá loohidae. Bala'amu daqwaydá' guri slaáhh as nguwa ki/isi baraá loohi.

FAARO 22:31

AAKOÓ MUNGÚ ilaá Bala'amu giri gweér, inós malaykamoó AAKOÓ MUNGÚ guri ár, aa sihhiít baraá loohi, paánga gaa duúx baraá tlakwaywose, gaa dákwií óh. Bala'amu iri xupuú', iri gurúr qaát yaamu.

Tlehhema'aá ya/Abuuse 1:10

Qoomár Yesu iwa gáwtí tláy, muu ilaaín giri kiririhhín gawaá doori. Múk tsár iri bihhaíní sihhiít oo inqwar /awák.

YOSHUA 6:2

AAKOÓ MUNGÚ Yoshua guri báy, «Aníng gixsár Yeriko ngi gawaá dabaawók i qaás, nee waawutmoowós nee slaqwaruuseerós sleémeerowo.

Geehhoeemaá 1:13

Nee baraá tla/ángw kiteeridá' tsaa'asór kooma'a, heeko una ár oo adór slaqsoó garmoó hee. Hiyoó naa dahaás aa hardáh ay baraá ya'a', nee himuú sahaábu gwaa gawaá da/eewawósií tseék.

HAR'OHUUSE 13:11

Manoa hareerós gari eehár, iri hardáh dír heedaádá', guri yaahaás, «Xáy, kuúng a heedaádá' nee /ameenirí aga axwesí'i?» Inós iri oó', «Eeít, a aníng.»

HAR'OHUUSE 13:22

Manoa hareerós gari báy, «Gimáy daxta atén a qatlaán, asma Mungú ugwa araán.»