YOSHUA 5:10 - Biblía Axweesantá Hhohho' ar Mungú 2004

¹⁰ Qoomár múk Israeli xafay'ín nguwa tleehhiyé' amór Gilgali dír xatstá bihhaá Yeriko, deelór Pasaáka ngay tleehhiyé' tsiindoowo bál slahhaangw tawa mibaá nee tsiyáhh.

YOSHUA 5:10 Iomraidhean Croise

2 SAMUELI 15:28

Ala aníng a daamaraám dír waarahhamuduú amór xaanxáy wa ale, ay dír kángw amoorók daáhh ngway axaas.»

TI'INAANGW 12:11

Bar /ayiindá' adoorí an tlehhá': An siinootiindá', ya/ataahúng in dahasá' baraá yaií ale, hhadoohúng ngin otá' baraá dabe. Fu'unaydá' kiri /agá' ar gaanslaay, gaa a Pasaákuú AAKOÓ MUNGÚ.

TI'INAANGW 12:18

Slahhángw geera bál bar mibaá nee tsiyáhh, iimír tsiindoó wa tleemu, mukaatmoó taa sluuftisiiká un /agá', ay tsiindaá bál slahhaangw bar mibeeri tsár nee wak.

TI'INAANGW 12:6

Deelmoosíng un amohhe'eemamisá' ay bál slahhaangwí bar mibaá nee tsiyáhh. Baalaasinge xooro sleémeero ar Israeli deeláysíng gun tsú/ tsiindoowo.

YEREMIA 39:5

Ala slaqwaruusér Kaldayo mukwí guri aluú wa eehát, Sedekia nguri aleeslayé' baraá xatsatá Yeriko. Ala nguwa oohiyé', nguri huwiyé' dír Nebukadnesa waawutmoó Babuloni, amór Ribla baraá yaamaá Hamati. Inós guri sakwasleemuút.

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

TLAHHOÓ LAÁWI 23:5

«Tsiindaá baalár mibaá nee tsiyáhh awa slahhángw geera an baalár Pasaáka kuwa boo/esa' as anuú AAKOÓ MUNGÚ.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

YOSHUA 4:19

Slahhángw geera bál tawa mibaangw, muu yaaér Yordani gana waaraáhh, xafay'ín ngway tleehhiyé' yaamaá Gilgali, bihhaá da/aáw awa Yeriko.

YOSHUA 5:11

Looaytleérós alaá deeloodár Pasaákuwo balángw yaamuudá' ngway /ayiyé'. Kooko nguna pu/áy tleehhiyé', nee oo hatlá' ngway tleehhiyé' ar mikaátér taa sluuftisiiká.

YOSHUA 9:6

Inooín nay tlayé' ay dír xafoó múk Israeli kuduú Gilgali. Inooín Yoshua nee múk Israeliwo ngiri bayé', «Atén amór ta dahhaan a amór hhapaá sawen, atén gár ni sla'aan a masók al'axweesani an tleehhaán dinkwa nee kuungá'.»

1 SAMUELI 7:16

Inós umuúqo kurko gixsadaá Beteli, nee Gilgali, nee Misparo gin alhi'iimaamiit, qaa/oó múk Israeli gun tlaqaqaat baraá yaamuuká' sleémeero.