YOSHUA 4:6 - Biblía Axweesantá Hhohho' ar Mungú 2004

⁶ As kahhó' tlaa/eeká' niwa laya tleehhitiya' dír múk Israeliwo nee dír na/ii'ine de'emaá hi'iita'a, barnaxes nu yaahamiisiyá' iwa kaahiya', ‹Tlaa/eeká' awa adoomá?›

YOSHUA 4:6 Iomraidhean Croise

WARA'AMI 44:1

Aá Mungú, atén kuúng ugwa axaasaán iiaarene. Bariiseerén ar qaro, muruú kuúng taa tlehhít qarti'ine ngwa diréní alki/iitiyé', tlehhmi'iidaá iimír bál qaro.

WARA'AMI 71:18

Tam aníng aga diimi, tam al/awtantá kooma, kuúng Mungú, án mi geexawaar, ay dír /uuruuwók nee uraywók ngway oo' dír qari sleémeero ar aluú wa hardah.

TI'INAANGW 12:14

Baalaarí a baalár baloó gunqarutaaká dirhunge. Kuungá' deelór ur an tlehhitá' dír AAKOÓ MUNGÚ ay qari sleémeero. Gaarí an dákw baloó warqawaaká.»

TI'INAANGW 13:14

Barnaxes balookaaro na/iihúng naa yaahasiyé', ‹Gaarí gídaabárós a milá?› ki beera', ‹AAKOÓ MUNGÚ atén tina baraá yaamaá Misrír wa tuú/, yaamaá lawaali'iima, ar dákw /uuruú koóm.

TI'INAANGW 13:9

Baalaasíng kuungá' tunduwa duúx baraá yaamaá Misriro ar /uuruú dakós an inslasleerá' adór mulkír gawaá dákwí dirii', laqaá ar gawaá gitsee/ií dirii', as kahhó' a sagaqwada'aaká hara'ayaarír AAKOÓ MUNGUHE.

TI'INAANGW 31:13

«Múk Israeli ku beer, ‹Deelor'eé' ar Sabaáto harmagahhaak asma deeloorí a layár alqado tla/ángw aníng nee kuungae, nee dír xwaylarhúng sleémeero, as kahhó' kuungá' kawa xua' adór aníng tar AAKOÓ MUNGÚ, kudá' kuungá' nu hhohhoeemiís.

ISAYA 38:19

Múk slaáf kilós an kudá' kuúng u sluufiís adoorí aníng laarí ni /imiis xwayliité inkihhimuwók guri dír na/ii'íní alki/ít.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ESEKIELI 20:12

Ina Sabaátor'eéní haniís as tawa laya tla/ángw án nee inooine, ngiwa xuiya' adór aníng tar AAKOÓ MUNGÚ, kudá' inooín gi hhohhoeemiís.

ESEKIELI 20:20

nee Sabaáto na hhoohhooeesaak as tawa layár alqador'eé' tla/ángw án nee kuungá'. Sabaátorí kuungá' nun inslawtís adór aníng tar AAKOÓ MUNGÚ, Munguúhúng.

FAARO 16:38

Asma mukwí ngina huwiyé' dír kitángw ilahhooár AAKOÓ MUNGÚ. Gimáy, xooslarír mukwí taa tsuú/ as tlakweemaaín taataahheek, kwahhuteek as kawa daqa niinawes as tawa muruú kitángw ilahhooa kur tuuntukun. Gaarí an gurbu'utá múk Israeli sleémeero.»

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

DABE 11:19

Na/iihúng /aymi'iikae intsaahhatamisaak qoomár bar marií wa iwiwitá', bar hi'iimitá', nee qoomár bar qatuú eerá', nee qoomár qatuuwo bar tlatleerá'.

YOSHUA 22:27

Ala una tleehhaán as tawa laya tla/ángw atén nee kuungá', nee tla/ángw xwaylarén ar aluú wa hi'iit, adór inooín ir hariná' AAKOÓ MUNGÚ nguwa sagadiyuusiya', ar ilahhooár da/a/aangw nee ilahhooár muruú ta tsu/i nee ilahhooár wayda, as kahhó' na/iihúng koorén mingiwa bayé', ‹Kuungá' dirhúng i káhh dír AAKOÓ MUNGUHE.›

YOSHUA 4:21

Yoshua xoorór Israeli gari báy, «Baalarkaaro na/iihúng burna yaahasiyé', iwa kaahiya', ‹Tlaa/eeká' awa milá?›

YOSHUA 4:5

guri báy, «Tlawsé', geeraá sandakmoó alqadór AAKOÓ MUNGÚ, Munguúhúng, i waaraahhaak, ay baraá yaaér Yordani. Umuúqo heewo dirhunge tlaa/anoó wák ngu taataahhi daanduú umuúqo tlahhoó Israeli wá ale, ngu gawaá suumarós i qaasi.