YOSHUA 4:3 - Biblía Axweesantá Hhohho' ar Mungú 2004

³ Daqaní hhawaateedá' ki beer, umuúqo heewo tlaa/ano ngu taataahhi dír tla/ángw yaaér Yordanír wa ale, didár kilár ya'aá kaahamuuse i dirii'iya'. Ki hubá' ay didá' kuungá' tay qatuú eera' xweeraawo.»

YOSHUA 4:3 Iomraidhean Croise

IIMU/UUNGW 28:22

daqaní kuúng AAKOÓ MUNGÚ, an Munguúeé'. Tlaa/anoowí naa diirí sihhtís adór uhmo, a do'ók. Baraá tidá' sleémeero kuúng niqo hanisa, aníng ar wák baraá bohhaá mibaango ngi dirógí haniís.»

WARA'AMI 103:2

Muunaáeé', AAKOÓ MUNGÚ diidi'iimiseek, hhooeemawós mi baloó gunqareesaar!

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

Luka 19:40

Yesu giri báy, «Án a kah, inooín barta xasliít, tlaa/e i tseeiyá'.»

YOSHUA 24:27

Yoshua xoorór Israeli gari báy, «Ga/aawaagáy, tlaa/arí aa lamabu'uso'o tleehhít daandemoorene, asma axweesantadá' AAKOÓ MUNGÚ naa diréní aaín inós gaa axamís. Gawaá adoorihe, bar kuungá' Munguúhúng ugwa satlaké', tlaa/arí i lamabu'uún daanduuhunge, as kahhó' Munguúhúng mu satlaankara'.»

YOSHUA 3:13

Nee qoomár ya'aá kaahamuusér Mungú, tidá' sandakmoó alqadór AAKOÓ MUNGÚ, Aakoó yaamu sleémeero loohiis, ma'aá yaaér Yordani birnga kalaa/iyé', ma'aá yaaér Yordani nin tla/a qasiitiyá', kudá' gáwtá wa wa/amiimá' nin sihhiitiyá', wa/amiingw ngun mayá', sleeme nin burumburitiyá' dír wák adór ufa.»

YOSHUA 4:4

Aluuwo Yoshua mukduú mibaá nee tsár aa tsawaár guri dinkwár i ateét, umuúqo tlahhaywo hee wak,

YOSHUA 4:8

Mukdaádá' adoodá' AAKOÓ MUNGÚ Yoshua ngwaa báy kari tleéhh, inooín tlaa/aá mibaá nee tsár ngina taataahhiyé', ngiri gagaariyé' dír tla/ángw yaaér Yordani wa ale, umuú tlaa/anowo as daanduú tlahhoó Israeli. Tlaa/eedá' kina gagaár ay didá' tay qatuú ay, ngiri didií qaasiyé'.

1 SAMUELI 7:12

Aluuwo Samueli tlaa/ano guri óh, guri sihhtís tla/ángw Mispa nee Sheni, umuuwós guri báy, Eben-eseri, iri oó', «Tam hamí AAKOÓ MUNGÚ taa alee/iís.»