YOSHUA 4:24 - Biblía Axweesantá Hhohho' ar Mungú 2004

²⁴ As kahhó' xoordu sleémeero awa baraakaá yaamu ngiwa tsaahhiya' adór dákw AAKOÓ MUNGÚ ir /uuruú kón, nee as kahhó' kuungá' AAKOÓ MUNGÚ, Munguúhúng, kuwa ilaiwawa/a' ay kureeraá kureér.»

YOSHUA 4:24 Iomraidhean Croise

1 WAAWITÁ 8:40

Kahhó' kuúng tu ilaiwawaa/ qoomaarí tawa baraakaá yaamu wa hooti, kuká' taa baabi'iirén i hanís.

1 WAAWITÁ 8:60

Daqaní múk baraakaá yaamu sleémeero gari tsaahh adór AAKOÓ MUNGÚ tar Mungú, oo hatlá' i kaahh.

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

2 WAAWITÁ 5:15

Inós dinkwa nee sagadiyuuseerós niri ki/iyé' dír heedaáduú Mungú, iri oó', «Hám daxta aníng aga xuú' Mungú i kaahh baraá xoordu sleémeero, aqo Munguú Israeli. Gimáy daxta na'ás qeemuú sagadiyusmoowók ya/aameek.»

1 QOM'I 29:12

Daqaari'iima nee ilaiwa/ame amór i dahh a amoorók, kuúng umuú gaaro an sawaawuti'iín, aleesleemu nee /uuru i gawaá dabaawók, kuúng aleesleemu u koón oo umuú heewo kuwa ures nee kuwa /uurií dok.

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 106:8

Ala tam adoorihe gina ba/amís as umuuwós, as aleesleemuuwós oo úr nguwa laqan.

WARA'AMI 89:13

Dakók i aleesleemuú kón, dakók oo doó /iyáy i /uuruú kón nee arba/ati.

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

TI'INAANGW 14:31

Múk Israeli gadiyeédá' ur ar AAKOÓ MUNGÚ aa dír múk Misrírí tleéhh kari ár. Naagáy inooín AAKOÓ MUNGÚ nguri ilaiwawa/iyé' nguri haratlintii'iyé', nee sagadiyusmoowós Mosewo.

TI'INAANGW 15:16

Dae nee hor/iro gaa eér, ar aleesleemuú dakoge inooín niri xaslmiitiyé' adór tlaa/ano. Aá AAKOÓ MUNGÚ, ay dír mukók i waaraahhi, ay dír mukók kudá' taa ba/amís i waaraahhi.

TI'INAANGW 20:20

Mose muu sleémeero guri báy, «Ma da'ayumiitaara', asma Mungú nina hardáh as kuungá' nuwa iiari as kahhó' kuungá' inós kuwa ilaiwawa/a' umuú daqto nee tlakweema kiwa tlehha'aaká.»

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

DABE 28:10

Nee xoordu sleémeero awa baraá yaamu birnga ariyé' kuún AAKOÓ MUNGÚ ugwa tsawaár tawa xooroorós, kuún uri da'ayuutiyá'.

DABE 6:2

Qooma sleémeero ar kuungá' tawa slafa', a hariindá' AAKOÓ MUNGÚ, Munguúhúng kuwa ilaiwawa/a' nee dabeerós sleémeero kawa iialooesa', nee hara'ayaadá' aníng naa dirhúng i hara'ayiím. As kahhó' kuungá' nee na/iihúng nee na/aá na/iihúng hotaá tleerá' kiwa sleera'.

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.