YOSHUA 4:18 - Biblía Axweesantá Hhohho' ar Mungú 2004

¹⁸ Kaahamuuseedá' sandakmoó alqadór AAKOÓ MUNGÚ loohiis niwa ti'ít baraá tla/ángw yaaér Yordaniro, gangeefír yaae ngiwa kalaa/iyé', ma'aá yaaér Yordani niri wa/iyé' niri hatsiyé' adoodár geera i dirii'iya'.

YOSHUA 4:18 Iomraidhean Croise

1 QOM'I 12:15

Kuká' yaaér Yordani ngina waarahhiyé' qoomár slahhángw geera, qoomaadae yaaér Yordani ina háts ay gawaá gangeefaay. Inooín mukdá' baraá xatsaá hoót kuri diyaá/ bihhaá da/aáw nee awa /uwawo awa yaaér Yordani.

ISAYA 8:8

Wakusmo nin gaanslár dah baraá yaamaá Yuda, yaamuudá' gi dalaa/ adór ma'aá yaaér Eufrate, kudá' yaamu ngi almilala/amiitá', inós hhampi'iiwós birnga gweér yaamuuwók sleémeero ngin tuuntukiyá', aá Imanueli.»

YOSHUA 3:13

Nee qoomár ya'aá kaahamuusér Mungú, tidá' sandakmoó alqadór AAKOÓ MUNGÚ, Aakoó yaamu sleémeero loohiis, ma'aá yaaér Yordani birnga kalaa/iyé', ma'aá yaaér Yordani nin tla/a qasiitiyá', kudá' gáwtá wa wa/amiimá' nin sihhiitiyá', wa/amiingw ngun mayá', sleeme nin burumburitiyá' dír wák adór ufa.»

YOSHUA 3:15

Qoomaarí an qoomár bu'uungw, nee qoomaarír bu'uungo yaaér Yordani in hatsatsiín ay afaá tsee/a. Qoomár kaahamuuseedá' sandakmoó alqadór loohiis iwa hardát baraá yaaér Yordani, nee ya'aaín ma'aay ngiwa kwatitiyé',

YOSHUA 4:11

Qoomár sleémeero tawa gayuú hatlá' i waaraáhh, kahaamuuseedá' sandakmoó alqadór AAKOÓ MUNGÚ loohiis iri geeraá múk wa hi'ít.

YOSHUA 4:17

Yoshua giri báy, «Qwalaasé' baraá yaaér Yordani geexawaare'.»

YOSHUA 4:19

Slahhángw geera bál tawa mibaangw, muu yaaér Yordani gana waaraáhh, xafay'ín ngway tleehhiyé' yaamaá Gilgali, bihhaá da/aáw awa Yeriko.