YOSHUA 4:12 - Biblía Axweesantá Hhohho' ar Mungú 2004

¹² Hhawaataá tlahhoó Reubeni nee awa Gadi nee tlaqtá tlahhoó Manase tina amohhe'eesiyé' slaqwaraaro, niri geerií waaraahhiyé' dír muu sleémeero, inooín adoodá' Mose ngaa báy ngiri tleehhiyé'.

YOSHUA 4:12 Iomraidhean Croise

TI'INAANGW 13:18

As adoorí Mungú inooín gina geerahaár ar loohír harweeramo ar baraá xaanxaay, tidá' aa amór tlawtá Shamúr xu'. Xoorór Israeli iri tleér yaamaá Misrír wa ale taa amohhe'eesiyé' slaqwaraaro.

FAARO 1:24

Múk tlahhoó Gadi ar adór xwaylar'ine tira haraahariyé', nee adór maray'ine i dirii'iya', nee adór gur'ér maray'ín i diria, nee adór umer'ín i diria adoodá' kira wakeetín faarooro, umuúqo hhawaatuuwo oo kureeriiwós mibeeri tsár ngaa aye' nee ngaa ba/iye', mukdá' slaqwara eemuuwo ido,

FAARO 32:17

Ala atén tin amohhe'eesaán xosluurén kiwa oohaan awa tleemuú baraá slaqwara, nee tiwa alkoomaan nee múk Israeli hhaeerén. Atén tari hhayuú geera baraá slaqwaraaro, ay dír ki hardahasaan didár hotaaín. Qoomaarihe na/iirén i baraá gixsadaá taa harweér ar koo/ír gawit, as kahhó' múk ayaawí gi i haratlayká.

DABE 3:18

«Qoomaadae ina kaangwí báw, ‹AAKOÓ MUNGÚ, Munguúhúng yaamuudaá bihhaá da/aáw awa yaaér Yordani ngaa kuungá' i haniís as tawa daqaari'iimarhúng. Hám daxta kuungá' awa miguuse dír tla/ángw hhaeehunge, xooslár slaqwara oohaak, yaaér Yordaniro geerií waaraahhé', dír hhaeehúng awa Israeliro.

DABE 33:21

Inooín yaamaá wahhaará' ngina tsawaariyé', didár yaamaá geeraharusmo. Inós múk Israeli guna geerahaár, AAKOÓ MUNGÚ nguri iialooeesiyé', nee kaahirós tidá' aa ooi dír múk Israeli.»

YOSHUA 1:14

Tlaawayhúng nee na/iihúng nee hikwahunge ni meetiye' baraá ayaawí Mose naa kuungá' i haniís, amór gayuwí oo yaaér Yordani. Ala hhawaataá miguuse awa xoslaá slaqwarár koomá' ta geeraá hhaeeín wa giirin nee kiwa alee/iisi.

YOSHUA 4:11

Qoomár sleémeero tawa gayuú hatlá' i waaraáhh, kahaamuuseedá' sandakmoó alqadór AAKOÓ MUNGÚ loohiis iri geeraá múk wa hi'ít.

YOSHUA 4:13

Mukdaádá' xooslár slaqwarár koóm a kume mibeeri tsiyáhh, niri geeraá AAKOÓ MUNGÚ ar waaraahhiyé' ay baraá xatstá iisaapoó Yeriko, taa amohhe'eesiyé' slaqwaraaro.