YOSHUA 3:8 - Biblía Axweesantá Hhohho' ar Mungú 2004

⁸ Kuúng kaahamuuseedá' sandakmoó alqadór loohiis, ki ádbeer as qoomár bar taa hardáh afaá ma'aá yaaér Yordani tawa sihhiiti.»

YOSHUA 3:8 Iomraidhean Croise

2 WAAWITÁ 2:6

Naagáy Eliya Elisha guri báy, «Gám na'ás kuúng diirí meeteek, AAKOÓ MUNGÚ iga ya/aáw ay yaaér Yordani.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tsaraawo tiri alkoné'.

2 QOM'I 29:15

Mukwí hhaeeín ngiri burumburiyé', tiri hhoohhooeesiyé'. Adoodá' waawutmo aa oó' ngay tleehhiyé', ar adór axweesantá Mungú aa ó', as Doó AAKOÓ MUNGÚ nguwa fiitsiya'.

2 QOM'I 29:27

Hesekia iri oó', «Ilahhooár da/a haniisaak gawaá kitangwduú ilahhooa kay hanmaamisi.» Qoomár ilahhooár da/a hanmisuuwo kawa iimu/ún, muu daa'ángw AAKOÓ MUNGÚ guri óh, bara/ kuri duuruúx ar tarumbeetadu, nee ar xoosladár daa'aangw ar waawutmo Daudi oo múk Israeli.

2 QOM'I 29:30

Aluuwo waawutmo Hesekia nee geeraharuuseero múk tlahhoó Laáwi nguri ádbayé', AAKOÓ MUNGÚ nguwa daa'ángwár xirfayeemisiya', daa'angwduú waawutmo Daudi nee iigu'utusmo Asafu naa daaiyé'. Muu sleémeero Mungú guri i daá' ar daa'ángw qwala/, tari xupuú', Mungú kuri sluufiís.

2 QOM'I 30:12

/Uuruú Mungú gadiyeé gana tleéhh baraá munér múk Yudawo, inooín nay iialooeesiyé', hara'ayár waawutmo nee geeraharuuser'ine ngay eehariyé' adoodá' AAKOÓ MUNGÚ ngira oó'.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:28

Garmoó wák baraá daaqoó Yoyada, garmoó Eliashibu kaahamusmoó úr a taatoó harér Sanbalati, heé Bet-horonír daáhh, gawaá adoorihe, aníng nguri guús dir'eene.

TI'INAANGW 14:13

Ala Mose muu guri báy, «Ma da'ayumiitaara'! Ló'wa sihhiité', nee ba/amár AAKOÓ MUNGÚ tidá' ni kuungií tleehhi laarí ka aandá'. Asma mukuú Misri ta ga/eera' laarí, u baloó aanda'aaká malé ale.

WA/AA/I 3:26

A gár hhoo' hee ba/amár AAKOÓ MUNGÚ ngiwa daamaaran ar qitla.

YOSHUA 3:17

Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 3:7

AAKOÓ MUNGÚ Yoshua guna báy, «Laarí u iimu/uúm xirfayeesaro dír geeraá xoorór Israeli sleémeeró wá ale, as kahhó' muu ngiwa xui adór aníng tar dinkwa nee kuúng, ar adoodá' aníng nee Mose tara dinku'uusaán.

YOSHUA 3:9

Aluuwo Yoshua múk Israeli guri ateét, guri báy, «Qwalaas tseewuwaaré', axweesantá AAKOÓ MUNGÚ, Munguúhúng, i kaahi iiárií qaasaak.»

YOSHUA 4:11

Qoomár sleémeero tawa gayuú hatlá' i waaraáhh, kahaamuuseedá' sandakmoó alqadór AAKOÓ MUNGÚ loohiis iri geeraá múk wa hi'ít.