YOSHUA 3:6 - Biblía Axweesantá Hhohho' ar Mungú 2004

⁶ Aluuwo Yoshua kaahamuusér Mungú gari báy, «Sandakmooduú alqadór AAKOÓ MUNGÚ ga koóm gawaá sum'iihúng i qaasaak, nee geeraá muu na wa hi'iimitaak.» Inooín adoodá' Yoshua ngaa báy ngiri tleehhiyé'.

YOSHUA 3:6 Iomraidhean Croise

1 WAAWITÁ 8:3

Bariisér Israeli ina hardát, nee kaahamuusér Mungú sandakmooduú alqado guri gagát.

2 QOM'I 5:4

Qoomár bariisér Israeli sleémeero iwa burumburít, múk tlahhoó Laáwi Sandakmoó alqado kunguri gagaár.

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

FAARO 10:33

Naagáy tari tláy didár tloomár AAKOÓ MUNGÚ wa ale, deelo tám ta baraá aai, sandakmoó alqadór AAKOÓ MUNGÚ ku geeraaín wa loohiis deelo tám as dír xafay'ín kuy tleehhi kawa laqan.

FAARO 14:15

Ala hamí daxta barnaxes mukók ugwa tsú/ ar wai wak, xoorduudá' xirfuuwók ngwa axaasiye' tari ooi,

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

YOSHUA 3:3

Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 3:5

Yoshua muu guri báy, «Gimsé' ti kiloohúng hhoohhoese', asma matlo AAKOÓ MUNGÚ muruú waa/oo/amo gu tleehh baraá tla/angwhúng wa ale.»

YOSHUA 3:7

AAKOÓ MUNGÚ Yoshua guna báy, «Laarí u iimu/uúm xirfayeesaro dír geeraá xoorór Israeli sleémeeró wá ale, as kahhó' muu ngiwa xui adór aníng tar dinkwa nee kuúng, ar adoodá' aníng nee Mose tara dinku'uusaán.

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»