YOSHUA 3:3 - Biblía Axweesantá Hhohho' ar Mungú 2004

³ Muu ngway bayé', «Kuungá' bara aandé' kaahamuusér Mungú ar tlahhoó Laáwi i sandakmoó alqadór AAKOÓ MUNGÚ Munguúhúng loohisiyá', daqaní kuungá' kitaangw ku gasá', ta aluuín wa tleerá'.

YOSHUA 3:3 Iomraidhean Croise

2 SAMUELI 6:13

Mukdaádá' sandakmoduú AAKOÓ MUNGÚ loohiís, digiruú lahhoó' bur kwaa hi'iít, Daudi awu nee damár wahhaar gin ilahhooár wa tsuu/.

2 SAMUELI 6:3

Naagáy sandakmoó Mungú kuri leéhh dír doó Abinadabu, kuduú gawaá tlooma, kuri gagaár gawaá gaárír /aben. Daaqoó Abinadabu, Usa nee Ahio, an múk gaáridá' /aben ga gan'aamiís.

1 WAAWITÁ 8:3

Bariisér Israeli ina hardát, nee kaahamuusér Mungú sandakmooduú alqado guri gagát.

YEREMIA 33:18

Kaahamuusér tlahhoó Laáwi heé ilahhooár hanmís ngu baloó dakuusiaaká as ilahhooár da/a ngiwa hanmiisi daqisleém, nee ilahhooár balaango, nee ilahhooár muruú ta tsu/i ngin hanmiisiyá' ay alhhe'eesay wasle.› »

FAARO 10:33

Naagáy tari tláy didár tloomár AAKOÓ MUNGÚ wa ale, deelo tám ta baraá aai, sandakmoó alqadór AAKOÓ MUNGÚ ku geeraaín wa loohiis deelo tám as dír xafay'ín kuy tleehhi kawa laqan.

FAARO 4:15

Ala Aroni nee daaqaywós didá' hhoohhoo' birnga hhe'eesiyé' tuuntuukaro dinkwa nee xoosla sleémeerowo, nee qoomár birta amohhe'eesiyé' aai iimu/uumaaro, múk guruú doó Kohati tindi hardihi as heéma kawa gagaari. Ala inooín xooslár hhohho' makawa kwatiít, as matawa qaátl. Gaarí an gadiyér múk guruú doó Kohati qoomár barta heémár Mungú loohatimis.

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 8:19

Intsaahhatusmooko wák oo hara'ayár Mose guri i daqáy guri báy, «Intsaahhatusámo, án kuúng u eehár umuúqo dír ta keera.»

DABE 31:25

múk tlahhoó Laáwi kudá' sandakmoó alqadór AAKOÓ MUNGÚ loohiís, guri báy,

DABE 31:9

Mose dabeedá' gana gooín, gari haniís dír kaahamuusér Mungú ar tlahhoó Laáwi, kudá' sandakmoó alqadór AAKOÓ MUNGÚ loohiisá', nee dír bariise sleémeero ar múk Israeli.

YOSHUA 3:4

Asma adoorí an adór kuungá' loohi kar tsahha', asma loohirí aga ar baloó oti'iiká. Ala gár wake ma tseewuwaara' dír sandakmoduú hara'ayár koóm, ala kuungá' masók aluuine tundu saáw har afiqoomoó miíta tsiire gwaleél.»

YOSHUA 3:6

Aluuwo Yoshua kaahamuusér Mungú gari báy, «Sandakmooduú alqadór AAKOÓ MUNGÚ ga koóm gawaá sum'iihúng i qaasaak, nee geeraá muu na wa hi'iimitaak.» Inooín adoodá' Yoshua ngaa báy ngiri tleehhiyé'.

YOSHUA 3:8

Kuúng kaahamuuseedá' sandakmoó alqadór loohiis, ki ádbeer as qoomár bar taa hardáh afaá ma'aá yaaér Yordani tawa sihhiiti.»

YOSHUA 4:10

Kaahamuuseedár Mungú sandakmoó alqadór loohiis ina sihhmaamít baraá tla/ángw yaaér Yordani wa ale. Tana sihhmaamiít ay qoomár umuú gaaro iwa hhooeér, tidá' AAKOÓ MUNGÚ aa hara'ayín dír Yoshua, as ngiwa hara'ayin dír muu, ar adór muruudá' sleémeero Mose aa hara'ayín dír Yoshua. Muu iri waaraáhh ar gaanslaay.

YOSHUA 6:6

Naagáy Yoshua garmoó Nuni kaahamuusér Mungú gari ateét nee giri báy, «Sandakmoó alqadór AAKOÓ MUNGÚ taatahhaak, nee kaahamuusér faanqw baraá tla/angwhunge tarumbeétadaá taa tleéhh ar xareemaá gwaandaawe ngi gagat, nee ta geeraá sandakmoó alqadór Aakoó Mungú wa hi'iiti.»

Geehhoeemaá 14:4

Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.

1 SAMUELI 6:15

Múk tlahhoó Laáwi sandakmoó alqadór AAKOÓ MUNGÚ kuri aweeriís, nee lakwantidá' slaqsi'iidaá sahaábu kooma, kiri qaás gawaá tlaa/adá' ur. Múk Bet-shemeshi ilahhooár da/a kari haniís, nee baalaadae ilahhooár muruú ta tsu/i kari haniís dír AAKOÓ MUNGÚ.