YOSHUA 3:17 - Biblía Axweesantá Hhohho' ar Mungú 2004

¹⁷ Qoomár kaahamuuseedá' sandakmoó alqadór AAKOÓ MUNGÚ gu loohiis iwa sihhít baraá ma'aáy, ma'aá didá' niri /oné', inooín nina didá' wa sihhmamitiyé' ay qoomár muu sleémeero iwa faakiís warahhuuwo ar baraá yaamaá kaahaar.

YOSHUA 3:17 Iomraidhean Croise

2 WAAWITÁ 2:8

Eliya tlawuwós guri duúx guri marmaár, ma'aay giri slaáhh, ma'aay nay tla/aa qasitiyé' bihhe tsár, inooín tari yaamaá kaahaár waaraáhh ay gayuuqá'.

WARA'AMI 66:6

Tlawi gana warqeés tari yaamaá kaahaar, baraá yaaeero muu iri waaraáhh ar ya'a'. Amoodá' an amór nguwa saqwalaala/iyé'.

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

TI'INAANGW 14:22

Xoorór Israeli iri dát baraá tla/ángw tlawi ar yaamaá kaahará', ma'aay niri koo/i tleehhitiyé' dir'ine dákw doó /iyáy nee oo doó basayhe.

TI'INAANGW 14:29

Ala múk Israeli ina hi'iimiít ar baraá yaamaá kaahaar baraá tla/ángw tlawto. Nee ma'aydá' niri koo/i tleehhitiyé' bihhaaín awa doó /iyáy nee awa doó basayhe.

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

FAARO 33:51

«Nee múk Israeli axweesé' ki beer, qoomár bár yaaér Yordani aga waarahhé', tari daté' baraá yaamaá Kana'ani,

Ebrania 11:29

Múk Israeli iri waaraáhh ar haratlintaao ar baraá tla/ángw tlawtá Siria adór yaamaá kaahaár wa ale. Múk Misri adoodá' múk Israeli aa tleéhh kawa iiár eeharto, kiri guú/ nee ma'aay.

YOSHUA 4:1

Qoomár xoorór Israeli sleémeero yaaér Yordani ngiwa waaráhh, AAKOÓ MUNGÚ Yoshua guri báy,

YOSHUA 4:10

Kaahamuuseedár Mungú sandakmoó alqadór loohiis ina sihhmaamít baraá tla/ángw yaaér Yordani wa ale. Tana sihhmaamiít ay qoomár umuú gaaro iwa hhooeér, tidá' AAKOÓ MUNGÚ aa hara'ayín dír Yoshua, as ngiwa hara'ayin dír muu, ar adór muruudá' sleémeero Mose aa hara'ayín dír Yoshua. Muu iri waaraáhh ar gaanslaay.

YOSHUA 4:11

Qoomár sleémeero tawa gayuú hatlá' i waaraáhh, kahaamuuseedá' sandakmoó alqadór AAKOÓ MUNGÚ loohiis iri geeraá múk wa hi'ít.

YOSHUA 4:22

Daqaní ki beera', ‹Tlaa/eeká' atén ti inslawtimisiyá' daanduú bál xoorór Israeli yaaér Yordani ngiwa waaráhh ar yaamaá kaahaar.›

YOSHUA 4:3

Daqaní hhawaateedá' ki beer, umuúqo heewo tlaa/ano ngu taataahhi dír tla/ángw yaaér Yordanír wa ale, didár kilár ya'aá kaahamuuse i dirii'iya'. Ki hubá' ay didá' kuungá' tay qatuú eera' xweeraawo.»

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.