YOSHUA 3:15 - Biblía Axweesantá Hhohho' ar Mungú 2004

¹⁵ Qoomaarí an qoomár bu'uungw, nee qoomaarír bu'uungo yaaér Yordani in hatsatsiín ay afaá tsee/a. Qoomár kaahamuuseedá' sandakmoó alqadór loohiis iwa hardát baraá yaaér Yordani, nee ya'aaín ma'aay ngiwa kwatitiyé',

YOSHUA 3:15 Iomraidhean Croise

2 WAAWITÁ 2:6

Naagáy Eliya Elisha guri báy, «Gám na'ás kuúng diirí meeteek, AAKOÓ MUNGÚ iga ya/aáw ay yaaér Yordani.» Ala Elisha iri oó', «Ar adoodá' AAKOÓ MUNGÚ ir hotaatina nee adoodá' kuúng tar slafa, aníng kuúng u baloó geexawaaká.» Naagáy tsaraawo tiri alkoné'.

1 QOM'I 12:15

Kuká' yaaér Yordani ngina waarahhiyé' qoomár slahhángw geera, qoomaadae yaaér Yordani ina háts ay gawaá gangeefaay. Inooín mukdá' baraá xatsaá hoót kuri diyaá/ bihhaá da/aáw nee awa /uwawo awa yaaér Yordani.

1 QOM'I 12:16

Múk tlahhoó Benyamini bahh'ale nee oo Yudawo tana amór Daudi káy baraá koo/idá' gawit.

ISAYA 26:6

Daxta gixsadá' ya'aá muu ngin adarahiyá' ya'aá narkuute ngin adarahiyá' nee ya'aá múk alemaá koóm sleeme.

YEREMIA 12:5

AAKOÓ MUNGÚ i kaahi, «Yeremía, kuúng qwaatlór nee muu ana harslaaqát, adór kuúng nee faras tar qwatla'? Kuúng bar an huuhu'uún dír yaamaá hhoohhooe, adór kuúng qwaatlo kar aleesleer baraá darmuú Yordaniro?

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

NAHUMU 1:4

Inós tlawi gan i gahhaat gari kahaas, yau sleémeero giri kahaas, Bashani nee Karmeliro niri /ootsiyá', tam /ayór Lebanoni in /óts.

YOSHUA 3:13

Nee qoomár ya'aá kaahamuusér Mungú, tidá' sandakmoó alqadór AAKOÓ MUNGÚ, Aakoó yaamu sleémeero loohiis, ma'aá yaaér Yordani birnga kalaa/iyé', ma'aá yaaér Yordani nin tla/a qasiitiyá', kudá' gáwtá wa wa/amiimá' nin sihhiitiyá', wa/amiingw ngun mayá', sleeme nin burumburitiyá' dír wák adór ufa.»

YOSHUA 4:18

Kaahamuuseedá' sandakmoó alqadór AAKOÓ MUNGÚ loohiis niwa ti'ít baraá tla/ángw yaaér Yordaniro, gangeefír yaae ngiwa kalaa/iyé', ma'aá yaaér Yordani niri wa/iyé' niri hatsiyé' adoodár geera i dirii'iya'.