YOSHUA 3:1 - Biblía Axweesantá Hhohho' ar Mungú 2004

¹ Looaytleérós matlaatlér boo/e Yoshua nee múk Israeli sleémeero, tana dír xaa'aá ta bay Shitiímúr wá tláy, nari hardihiyé' ay afaá yaaér Yordani, nari didií deelo tlaatla/iitiyé' dír nira waaraahhii'iiká.

YOSHUA 3:1 Iomraidhean Croise

IIMU/UUNGW 21:14

Abrahamu iri tláy matlaatlér boo/e, muruú /ayma nee quruuntlír ma'aá wahaangw gari haniís dír Hagari. Na/aay guri daanduú Hagari tseék, gari guús. Inós iri tleér, iri hi'iimít baraá xaanxoó Be'er-shebár wa alé.

IIMU/UUNGW 22:3

Abrahamu matlaatlér boo/e iri tláy, daqwaywós guri amohhe'eés, daaqoó tsár nee garmaawós Isaka giri báy, «Ti amohhe'ese' aaií wa alé.» Migiruú ilahhooár da/a guri amohhe'eés, nari tlayé' nee mukós kwihe ay amoodá' Mungú aa oó' dirósí ale.

WARA'AMI 119:60

An gaansluút, a tligaaká hara'ayaarók ngiwa oh.

YEREMIA 25:3

«Iimír kurkú mibaá nee tám oo waawuti'iimár Yosia garmoó Amoni, waawutmoó Yuda, ay laarí, kureeri a mibeeri tsár nee tám, baraá kureeriikae aníng axweesantá AAKOÓ MUNGÚ ana axmaamiís nee umuúqo looár tlawa ngin dirhúngí aaiím ala kuungá' a axmaamisa'aaká.

YEREMIA 26:5

nee axweesanoó sagadiyuuser'eé' tidár aaruuse bura axasé', tidá' naa amorhúngí ya/ababiít umuú daqto, tam handá' iga iiárií qasi'iikahe,

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

MIKA 6:5

Kuungá' muk'eé', inslawiimé' adór Balaki, waawutmoó yaamaá Moabu nura qwaareesár wa slaá' nee adór aarusmo Bala'amu, garmoó Beori ngwa báw, anuú AAKOÓ MUNGÚ a slaá' kuungá' nuwa gár hhoó' i tleehh. Nee inslawiimé' sleeme adór tara Shitímuú wa tleeré' tay hardaté' ay Gilgali. Muruuwí inslawaak as kawa tsahha' adór án kuungá' nura alee/iimamiís.»

FAARO 25:1

Múk Israeli qoomár tawa baraá Shitimúr i dirii'i, hhawaate niri fuqtá ayé' amór /ameenár Moabu.

Marko 1:35

Nee matlaatlér boo/e iri tláy iri ti'iít ay dír muu iwa kahhi, iri firín didaádá' wa ale.

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 6:12

Aluuwo Yoshua iri matlaatlér boó/ tláy, inós nee kaahamuusér Mungú sandakmouduú alqadór AAKOÓ MUNGÚ nguri taatahhiyé'.

YOSHUA 6:15

Bál faanqwe inooín nina tlayé' matlaatlér boo/e gixsa ngiri harweeriyé' adoodár /iisír alé. Ala baalaadae gixsa ngina harweeriyé' sagaáwa faanqw.

YOSHUA 7:16

Aluuwo Yoshua matlaatlér boo/e iri tseewa ti'iít, xoorór Israeli gari dinkwárí burumbuúr, tlahhi'i gina wakeetín, nee tlahhoó Yuda guri óh.

YOSHUA 8:10

Yoshua matlaatlér boo/e iri tseewa tláy, muu guri burumbuúr, inós nee bariisér Israeli tari geeraá múk wa tláy ay amór gixsár Ai.

HAR'OHUUSE 20:19

Múk Israeli matlaatleero tay tláy, heemaduín kay siíhh iisaapoó gixsár Gibea.

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.